Baskietbalistka zbornaj pra pošlinu $100: Ja ŭ šoku! Što možna kupić biełaruskaha?
Goals.by zrabiŭ vialikaje intervju z abaroncaj žanočaj baskietbolnaj zbornaj i minskaha «Haryzonta» Natallaj Anufryjenka. Była ŭ intervju zakranutaja tema i mahčymaha ŭviadzieńnia pošliny ŭ $100.
- Jak tabie inicyjatyva źbirać pa 100 dalaraŭ z nosa za vyjezd za miažu?
- Ja ŭ šoku! Tym bolš u bližejšych płanach jak raz była pajezdka ŭ Polšču pa televizar. Tam i dyvanki jość kłasnyja:)!
- Darečy, na spartsmienach možna niadrenna zarabić.
- Ja zusim nie suprać našych tavaraŭ. Ale, prabačcie, što možna kupić biełaruskaha?
***
Ź inicyjatyvaj ŭvieści pošlinu ŭ 100 dalaraŭ dla biełarusaŭ, što vyjazdžajuć za miažu vystupiŭ 6 vieraśnia Alaksandr Łukašenka. Praź niejki čas jaho ideju horača padtrymali vice-premjer Piotr Prakapovič i kiraŭnik Minharvykankama Mikałaj Ładućka, a taksama alimpijski čempijon Piekina Andrej Aramnaŭ.
U hetuju subotu, 28 vieraśnia, padčas naviedvańnia «Dažynak» u Žłobinie, Łukašenka krychu pierafarmulavaŭ dumku.
«Ja radzieju nie pra toje, kab zabaranić vyjezd našym hramadzianam, ja pieražyvaju, što pad $3 młrd valuty vyvozicca štohod z krainy», — skazaŭ jon.
«Voś lapnuŭ sabie na škodu, napeŭna. Choć ja hetaha nie bajusia», — adznačyŭ u subotu Łukašenka. (…) Vy viedajecie, kolki našyja tarbešniki-čałnočniki vyvoziać valuty za miežy krainy? Pamiežniki padličyli — za $2 młrd. Kali b heta ŭ krainie zastavałasia, to my b žyli zusim pa-inšamu. (…)
Dobra, nie budziem ź ciabie brać sto dalaraŭ, ale budzieš uvozić šmotki, jak u inšych dziaržavach, zapłaciš pošlinu. Heta ž narmalna, cyvilizavana».
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary