«Unikalnaja apieracyja» biełaruskich kardyjachirurhaŭ? Nie ŭnikalnaja, ale ŭsio adno vydatnaje dasiahnieńnie
Učora telekanał STB paviedamiŭ, što biełaruskija kardyjachirurhi asvoili ŭnikalnuju technałohiju lačeńnia, jakaja nie patrabuje ŭskryćcia pacyjenta.
«Pieršaj pacyjentkaj stała dvuchhadovaja dziaŭčynka. Raniej padobnaje ŭmiašalnictva pravodziłasia na adkrytym sercy, paśla čaho dzicia niekatory čas znachodziłasia ŭ reanimacyi. Ciapier dziakujučy novamu abstalavańniu nieabchodna ŭsiaho niekalki prakołaŭ na skury, a sama apieracyja prachodzić pad renthienaŭskim kantrolem. U płanach miedykaŭ — pastavić ich na patok. U Biełarusi štohod u takoj dapamozie majuć patrebu bolš za 170 čałaviek», — havorycca ŭ paviedamleńni.
Dziŭna, što ŭ navinie pra vybitny pośpiech biełaruskaj miedycyny nie ŭkazvajecca navat chvaroba, na jakuju pakutavała dziaŭčynka.
«NN» paprasiła dyrektara RNPC «Kardyjałohija» Alaksandra Mročaka rastłumačyć, što ciapier možna vylečyć u Biełarusi z dapamohaj inavacyjnych technałohij.
Akazałasia, «unikalnuju apieracyju» praktykujuć užo nie pieršy hod.
«Apieracyja, pra jakuju havorycca ŭ siužecie — zakryćcio patałohii mižžałudačkavaj pieraharodki. Hetuju apieracyju my robim užo piać hadoŭ. Rabili jaje navat 1-hadovamu dziciaci. Pakazanaje ŭ siužecie — žurnalisckaja pamyłka», — paviedamiŭ jon.
Defiekt mižžałudačkavaj pieraharodki — najčaściejšaja pryrodžanaja anamalija serca. Pavodle statystyki, jano sustrakajecca ŭ 2-5 novanarodžanych z tysiačy.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary