«Viljareał» – BATE 4:1
Učora barysaŭski BATE syhraŭ matč pieršaha raŭndu Kubku ŬEFA ź hišpanskim “Viljareałam”. Hišpanskaja liha ličycca adnoj z najbolš mocnych u śviecie. “Viljareał” – adna z najmacniejšych kamand hetaha pieršynstva. Ad proźvišč hulcoŭ “Viljareału” zachaplaŭ duch – Hadzin, Chavi Venta, Fuentas, Sienna, Tomasan, Nichat, Pires, Vijera. Heta ŭsio nie apošnija ludzi ŭ futbolnym śviecie.
Raźličvać na pieramohu ci chacia b ničyju na Piryniejach było trochu naiŭna, bo kamandy ŭsio ž znachodziacca ŭ absalutna roznych futbolnych suśvietach. Dva hady nazad “Viljareał” dajšoŭ da paŭfinału Lihi čempijonaŭ, dla BATE navat ciapierašniaja vyšynia niešta novaje.
BATE pravaliŭ pačatak matču. Užo na vasiemnaccataj chvilinie hišpancy, dziakujučy hałam Nichata i Sienny, viali ŭ liku 2:0. Paśla čaho barysaŭcy praviali niekalki dobrych atak, ale hišpancaŭ vyratavaŭ ichny bramnik Dyjeha Łopies.
U pačatku druhoha tajmu “Viljareał” zabiŭ jašče dvojčy. (Hały na rachunku Nichata i Tomasana). Paśla hetaha haspadary supakoilisia, daŭšy šaniec u atacy BATE. U adnym momancie sudździa pamyłkova pryznačyŭ penalci, ale jaho nia zmoh skarystać Hienadź Bliźniuk. Adnak udača ŭsio ž adnojčy ŭśmichnułasia biełarusam. Paśla rozyhryšu štrafnoha najbolš sprytnym u štrafnoj haspadaroŭ akazaŭsia Maksim Žaŭnierčyk – 4:1. Matč i skončyŭsia z takim likam.
Praz dva tydni na mienskim stadyjonie “Dynama” adbudziecca matč u adkaz, chacia BATE i nia maje šancaŭ užo prajści ŭ nastupny raŭnd, usio adno varta pryjści padtrymać kamandu. Nia kožny dzień u Biełaruś pryjaždžaje klub uzroŭniu “Viljarełu”.
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu20
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary