KDB: IPešniki ź Biarozy niezakonna zavieźli ŭ Biełaruś 200 razabranych hruzavikoŭ

Kamitetam dziaržaŭnaj biaśpieki spyniena supraćpraŭnaja dziejnaść mižnarodnaj złačynnaj hrupy, jakaja arhanizavała schiemu ŭvozu na terytoryju Mytnaha sajuza hruzavych aŭtamabilaŭ i aŭtobusaŭ z uchileńniem ad vypłaty mytnych płaciažoŭ u asabliva bujnym pamiery.

U realizacyju «cieniavoj» schiemy byli taksama ŭciahnutyja supracoŭniki biełaruskich mytnych orhanaŭ, a taksama hramadzianie Biełarusi, Rasii i Polščy.

Dva indyvidualnych pradprymalnika z horada Biaroza Bresckaj vobłaści kuplali ŭ krainach Jeŭrasajuza poŭnakamplektnyja aŭtamabili. Kab paźbiehnuć vypłaty mytnych płaciažoŭ u poŭnym abjomie, na terytoryju Mytnaha sajuza hruzavyja aŭtamabili ŭvozili pa častkach: u vyhladzie šasi i kabiny. U Biełarusi aŭtamabili znoŭ źbirali i pradavali.

Anałahičnaja schiema ŭžyvałasia kamiersantami pry zborcy aŭtobusaŭ, ź jakich da ŭvozu ŭ Biełaruś zdymalisia ruchaviki i chadavaja častka.

— Padčas ahladu płoščaŭ, jakija arandujucca pradprymalnikami, vyjaŭlenyja i zatrymanyja ŭžo sabranyja i hatovyja da ekspłuatacyi vosiem hruzavych aŭtamabilaŭ viadomych jeŭrapiejskich marak, uviezienyja i razmytnienyja ŭ 2013 hodzie pa častkach.

Pry hetym ustanoŭlena, što na niekatoryja z aŭtamabilaŭ byli vyrablenyja padroblenyja dakumienty, jakija śviedčać ab ich vytvorčaści na adnym z kamiercyjnych pradpryjemstvaŭ Pskova (Rasijskaja Fiederacyja), — paviedamlaje pres-reliz viedamstva.

Mytnyja orhany padličyli — ahulny pamier uchileńnia ad vypłaty mytnych płaciažoŭ pry ŭvozie tolki čatyroch z zatrymanych transpartnych srodkaŭ skłaŭ 1,3 młrd rubloŭ.

Pavodle atrymanaj infarmacyi kamiersantami ŭ pieryjad 2010-2013 hh. z vykarystańniem «cieniavoj» schiemy było ŭvieziena kala dvuchsot aŭtamabilaŭ. Aryjencirovačnaja suma nie atrymanych dziaržavaj mytnych płaciažoŭ — bolš za 4 młn jeŭra.

U realizacyju «cieniavoj» schiemy byli taksama ŭciahnutyja biełaruskija mytniki — KDB vyjaviła datyčnaść dvuch pradstaŭnikoŭ mytnych orhanaŭ.

Ustanoŭlena, što supracoŭniki mytni nieadnarazova atrymlivali ad kamiersantaŭ niezakonnyja hrašovyja ŭznaharody ŭ vyhladzie chabaraŭ.

Upraŭleńniem KDB pa Bresckaj vobłaści ŭ dačynieńni da słužbovych asob mytnych orhanaŭ raspačatyja kryminalnyja spravy pa prykmietach składu złačynstva, praduhledžanaha č. 1 i č. 2 art. 430 KK («Atrymańnie chabaru»).

U dačynieńni da indyvidualnych pradprymalnikaŭ raspačatyja kryminalnyja spravy pa prykmietach składu złačynstvaŭ, praduhledžanych č. 2 art. 231 KK («Uchileńnie ad vypłaty mytnych płaciažoŭ u bujnym pamiery») i č. 2 art. 431 KK («Dača chabaru»).

U ramkach rasśledavańnia kryminalnaj spravy pravodzicca kompleks apieratyŭna-vyšukovych i śledčych mierapryjemstvaŭ, nakiravanych na vyjaŭleńnie i dakumientavańnie ŭsich epizodaŭ supraćpraŭnaj dziejnaści padazravanych.

• 0
• 0
• 0
• 0
• 0
• 0
• 0
• 0