Žychary Bieraściejščyny nazirajuć masavy lot bujnych matyloŭ – zvyčajnych jazykanaŭ i biarozkavych bražnikaŭ.
Žychary Bieraściejščyny nazirajuć masavy lot bujnych matyloŭ – zvyčajnych jazykanaŭ i biarozkavych bražnikaŭ.
Jak raspavioŭ navukovy supracoŭnik Instytuta zaalohii Nacyjanalnaj akademii navuk Anatol Kułak, heta redkaja dla Biełarusi źjava. Zvyčajna takija vidy sustrakajucca ŭ adzinkavych vypadkach. A ich masavaje źjaŭleńnie ŭ našaj krainie možna patłumačyć śpiakotnym letam.
Zvyčajnyja jazykany i biarozkavyja bražniki prylatajuć u Biełaruś z paŭdniovych krain dla razmnažeńnia. Najbolšaja ich kolkaść sustrakajecca ŭ paŭdniovaj častki respubliki. U cełym u Biełarusi možna ŭbačyć kala 18 roznych vidaŭ bražnikaŭ.
Bujnych matyloŭ časta błytajuć z samaj maleńkaj na Ziamli ptuškaj – kalibry. Kalarovaja afarboŭka niekatorych bražnikaŭ padobnaja da afarboŭki kalibry, a chutkaść raboty kryłami ŭ matyloŭ nastolki vysokaja, što detalova razhledzieć ich časam vielmi składana. «Žychary Biełarusi peryjadyčna paviedamlajuć navukoŭcam ab "znachodcy" samaha maleńkaha vidu ptušak, adnak im tłumačać, što zafiksavany “cud” źjaŭlajecca nia ptuškaj, a žamiaroj», — adznačyŭ Anatol Kułak.
Jazykan zvyčajny — bražnik z razmacham kryłaŭ 40-50 mm. Hety vid raspaŭsiudžany ŭ Eŭropie, Paŭnočnaj Afrycy, Paŭdniovaj Indyi i ŭ siaredniaje pałasie Azii. Charčujecca nektaram, jaki zdabyvaje, zavisajučy nad kvietkami. Biarozkavy bražnik – adzin ź vidaŭ samych bujnych eŭrapiejskich matyloŭ ź ciomna-sinimi kryłami, na jakich raźmieščanyja śvietłyja pałosy. Razmach kryłaŭ dasiahaje 120 mm, daŭžynia chobatu — 100 mm. Hety vid aktyŭny ŭ viečarovy i načny čas sutak, padčas palotu davoli hučna bzykaje.
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Kamientary