U miežach kinafiestyvala «Listapad» 3 listapada adbudziecca prezientacyja prajektu «Tuzin.Niemaŭla». Try biełaruskija niamyja kinafilmy «Prastytutka», «Kastuś Kalinoŭski» i «U ahni narodžanaja» buduć pakazanyja ŭ žyvym muzyčnym supravadžeńni hurta z Polščy Ilo&friends, Siarhieja Puksta i hurta Re1ikt.
Kožnaja z troch stužak ujaŭlaje vialiki intares dla amataraŭ kino. Sacyjalna-pobytavaja drama «Prastytutka» była źniataja ŭ 1926 hodzie i dzielić razam ź filmam «Lasnaja byl» status pieršaha biełaruskaha kinafilma. Praz historyi troch žančyn u joj raspaviadajecca pra toje, jak zmahalisia z prastytucyjaj u pieršyja hady savieckaj ułady. U centry stužki «Kastuś Kalinoŭski» – asoba kiraŭnika paŭstańnia 1863 hoda. U presie taho času film nazyvali «biełaruskim bajevikom». Film «U ahni narodžanaja» byŭ źniaty da 10-hodździa BSSR. Jon daje ŭnikalnuju mahčymaść pahladzieć vačyma savieckich prapahandystaŭ na padziei 1919-1920 hadoŭ, kali viałosia zmahańnie za niezaležnaść krainy.
Mienavita hetyja filmy byli abranyja dla prajektu «Tuzin.Niemaŭla», u miežach jakoha sučasnyja muzykanty stvarajuć aŭtarskuju aryhinalnuju muzyku da kłasičnych biełaruskich niamych filmaŭ. Biełaruskamoŭny hurt z Polščy Ilo&friends ahučyŭ film «Prastytutka», ekśpierymientalny kampazitar Siarhiej Pukst pa-svojmu asensavaŭ «Kastusia Kalinoŭskaha», a viadučy post-metał hurt krainy Re1ikt napisaŭ muzyku da «U ahni narodžanaja».
«Cikavaść prajektu ŭ tym, što muzyki nie prosta supravadzili film advolnymi hukami, a prapuścili hetyja stužki praź siabie i navat uziali na siabie śmiełaść prakamientavać z dapamohaj muzyki toje, što adbyvajecca na ekranie. Tamu hety pakaz možna razhladać nie jak zvyčajnuju retraśpiektyvu, a novy aktualny art-prajekt», - kaža kiraŭnik prajektu «Tuzin.Niemaŭla» Siarhiej Budkin.
Usie try filmy pradstaŭleny dla pakazu Dziaržfilmafondam Rasii, a heta značyć što jany buduć demanstravacca na kinastužcy takim ža čynam, jak i bolš čym 80 hod tamu.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie16
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary