I źnikła vulica Biersana.
Deputaty Minharsavieta pryniali rašeńnie ab prysvajeńni nazvaŭ šerahu novych i pierajmienavańni ŭžo isnujučych vulic stalicy
Deputaty Minskaha haradskoha savieta deputataŭ pryniali rašeńnie ab prysvajeńni nazvaŭ šerahu vulic stalicy, jakija budujucca ŭ mikrarajonie Michałova. Hetaje rašeńnie bolšaściu hałasoŭ (37 deputataŭ z 44 prahałasavali «za») pryniata na 5‑j siesii Minharsavieta 26 vieraśnia ŭ Minsku.
Tak, dźvie prajektujemyja vulicy ad praśpiekta «haziety «Źviazda» da vulicy Hurskaha, buduć nasić imiony kłasika biełaruskaj litaratury Janki Bryla i viadomaha dziaržaŭnaha i palityčnaha dziejača Biełarusi, kanclera Vialikaha kniastva Litoŭskaha Lva Sapiehi.
Jak patłumačyŭ načalnik upraŭleńnia kultury Minharvykankama Viktar Kuraš, heta rašeńnie pryniata pa prośbie respublikanskaha hramadskaha abjadnańnia «Tavarystva biełaruskaj movy imia Franciška Skaryny» i šerahu dziejačaŭ kultury Minska.
Taksama pryniata rašeńnie ab pierajmienavańni vulicy Biersana ŭ vulicu Edvarda Vajniłoviča. Jak zaznačyŭ V.Kuraš, z prośbaj ab pierajmienavańni vulicy ŭ Minharvykankam źviarnulisia pradstaŭniki rymska‑katalickaj carkvy ŭ Biełarusi. Edvard Vajniłovič — viadomy ŭ kancy XIX — pačatku XX stahodździa mahnat i miecenat, jaki padtrymlivaŭ biełaruski niezaležny ruch, 11 červienia 2006 hoda jon byŭ pierapachavany ŭ minskim kaściole śviatych Symona i Aleny (Čyrvony kaścioł). Za svaje hrošy Vajniłovič pabudavaŭ jaho ŭ 1910 hodzie.
Pa prośbie pradstaŭnikoŭ pravasłaŭnaj carkvy, biezymienny prajezd ad vulicy Kalinoŭskaha da Minskaj kalcavoj aŭtadarohi ciapier nazyvajecca «Vulica Usichśviackaja». Heta vulica budzie darohaj da chrama‑pomnika «U honar usich śviatych i niavinna zabitych u Ajčynie našaj», što ciapier budujecca ŭ stalicy.
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary