«Najbolšaj niebiaśpiekaj» dla Ukrainy ŭ 2014 hodzie nazvaŭ Mytny sajuz pradstajaciel Ukrainskaj pravasłaŭnaj carkvy Kijeŭskaha patryjarchatu Fiłaret.
U interv`iu ŭkrainskamu «5-mu kanału» patryjarch Fiłaret zajaviŭ, što intehracyja ŭ Jeŭrasajuz daść Ukrainie mahčymaść zachavać dziaržaŭnaść. «Usie krainy, jakija ŭvachodziać u ES, ź`iaŭlajucca niezaležnymi. Ukraina, kali budzie ŭ ES, zachavaje svaje dziaržaŭnaść i suvierenitet. Kali ž dałučycca da Mytnaha sajuza, da jeŭrazijskaj prastory, stracić ich», — pierakanany śviatar.
Jon abvinavaciŭ Rasiju ŭ «impieryjalistyčnych namierach» za toje, što jana znoŭ imkniecca dałučyć da siabie Ukrainu, Biełaruś, Małdovu, Kazachstan i Armieniju.
«U 2014 hodzie najbolšaj niebiaśpiekaj dla Ukrainy stanie ŭvachodžańnie ŭ Mytny sajuz. Jakim čynam hetaha nie dapuścić? Jak narod staić siońnia na Majdanie, tak i pavinien stajać da kanca, jon pieramoža. Kali hramadstva čahości nie choča, jaho siłaj doŭha nie ŭtrymaješ», — padkreśliŭ pradstajaciel Ukrainskaj pravasłaŭnaj carkvy Kijeŭskaha patryjarchatu.
Ukrainskaja pravasłaŭnaja carkva Kijeŭskaha patryjarchatu — niekananičnaja pravasłaŭnaj carkva Ukrainy, jakaja pretenduje na status pamiesnaj aŭtakiefalnaj pravasłaŭnaj carkvy. Uźnikła ŭ 1992 hodzie ŭ vyniku dziejańniaŭ častki ijerarchaŭ Ukrainskaj pravasłaŭnaj carkvy (UPC), jakija nastojvali na nadańni UPC poŭnaj samastojnaści ad Ruskaj pravasłaŭnaj carkvy (RPC). Ustanoŭčy sabor Ukrainskaj pravasłaŭnaj carkvy Kijeŭskaha patryjarchatu, jaki adbyŭsia ŭ červieni 1992 hoda, pradstaŭniki RPC nazvali raskolnickim.
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu23
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary