Partał Yahoo! pakazvaŭ svaim naviednikam rekłamnyja abjavy, kliknuŭšy pa jakich možna było zarazić kamputar virusami. Pra heta paviedamlaje The Washington Post sa spasyłkaj na spravazdaču niderłandskaj kampanii Fox -IT, vyjaviłaj pahrozu.
Karystalniki, pierachodziačy pa abjavach na yahoo.com, pieranakiroŭvalisia na sajty z škodnasnym kodam, zajavili daśledniki. Z dapamohaj naboru ekspłojtaŭ ( prahram dla arhanizacyi napadu na kamputary), jakija vykarystoŭvajuć ŭraźlivaści ŭ Java, na ich mašyny zahružać roznyja škodnasnaje PA — u pryvatnaści, klijenty botnetaŭ Zeus i Andromeda.
Pa dadzienych Fox -IT, źjaŭleńnie škodnasnaj rekłamy na sajcie moža być vynikam uzłomu rekłamnaj sietki Yahoo!. Pa inšaj viersii, złamyśniki zmahli vyvieści svaje abjavy na partał, uvioŭšy ŭ zman filtry rekłamnaj sietki.
Škodnasnyja rekłamnyja abjavy adlustroŭvalisia na Yahoo! pa mienšaj miery ad 30 śniežnia 2013 hoda. Ekśpierty z Fox -IT padličyli, što virusy takim sposabam padchoplivali kala 27 tysiač karystalnikaŭ u hadzinu. Najbolšaja kolkaść zaražeńniaŭ prychodzicca na naviednikaŭ partała z Rumynii, Vialikabrytanii i Francyi.
Pradstaŭniki Yahoo! paćvierdzili fakt raspaŭsiudžvańnia škodnasnaj rekłamy i zajavili, što vydalili niebiaśpiečnyja abjavy.
Zapuščany ŭ 1994 hodzie Yahoo! źjaŭlajecca čaćviortym pa papularnaści sajtam u śviecie, sastupajučy tolki Google, Facebook i YouTube. Štodnia jaho naviedvaje kala 280 miljonaŭ čałaviek.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary