Eks-premjer Ukrainy Julija Cimašenka zajaŭlaje, što Uładzimir Pucin, kali abviaščaje vajnu Ukrainie, abviaščaje jaje taksama ZŠA i Vialikabrytanii.
Pra heta havorycca ŭ jaje zvarocie da ŭkraincaŭ.
«Uładzimir Pucin dobra razumieje, što, abviaščajučy vajnu nam, jon abviaščaje jaje ŭ tym liku i harantam našaj biaśpieki, a mienavita ZŠA i Vialikabrytanii. Ja chaču vam ćviorda skazać: ja nie vieru, što Rasija pierastupić hetuju rysu, a kali pierastupić, to dakładna prajhraje», — padkreśliła Cimašenka.
Jana zaklikała ludziej da spakoju.
«Ale ŭžo siońnia vidavočna, što kali b raniej Ukraina ŭstupiła ŭ NATO, to takaja ahresija była b u pryncypie niemahčymaja», — padkreśliła jana.
«Nam nielha siejać paniku i niestabilnaść u našaj ułasnaj krainie. Heta toje, čaho choča ahresar. Naša hałoŭnaja zbroja siońnia — heta mienavita spakoj», — padkreśliła Cimašenka.
«Rasija nie pojdzie na ŭzbrojenuju vajnu z usim śvietam, i tamu siońnia idzie nie vajna zbroi, a vajna niervaŭ i intelektu. My pavinnyja vyjhrać hetuju vajnu, i my jaje vyjhrajem», — adznačyła jana.
Cimašenka taksama zaklikała ŭkraincaŭ «ni pry jakich abstavinach nie padtrymlivać falšyvyja mitynhi va ŭschodnich rehijonach i ŭ Krymie, nie prychodźcie na ich, tamu što heta siońnia zbroja ahresara».
Jana nahadała, što «ahresary vykarystoŭvajuć dla destabilizacyi i zachopu Ukrainy falšyvyja mitynhi va ŭschodnich rehijonach i Krymie, jakija, darečy, arhanizujucca i kirujucca śpiecsłužbami Rasijskaj Fiederacyi».
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary