The Daily Beast: Rasiejcy pranikli ŭ zašyfravanyja kanały suviazi ŭkrainskich siłavikoŭ

Kiraŭnik CRU ŭ minułyja vychadnyja zrabiŭ tajemnuju pajezdku va Ŭkrainu, ale nie skazaŭ ź jakoj metaj. Miž tym adkaz na hetaje pytańnie moža źmianić suadnosiny sił u samym haračym z hieapalityčnych haračych punktaŭ.

12 krasavika dyrektar CRU Džon Brenansustreŭsia z premjer-ministram Ukrainy Arseniem Jacaniukom i pieršym vice-premjeram Vitalom Jaremam, kab abmierkavać stvareńnie novych, bolš biaśpiečnych kanałaŭ pieradačy ŭkrainskamu boku amerykanskich vyviednych dadzienych. Pra heta piša sajt The Daily Beast sa spasyłkaj na infarmavanyja krynicy.

«Heta krytyčna važnaje pytańnie, pakolki ŭkrainskija siły mocna sastupajuć rasiejskim vojskam, skancentravanym na ich miažy i ŭžo častkova ŭvajšoŭšym u ich harady, — havorycca ŭ artykule. — Dla taho, kab u Kijeva była nadzieja vytrymać nacisk Maskvy, jaho źviestki ab rasiejskich vajennych dziejańniach pavinny być poŭnymi».

Raniej vydańnie ŭžo paviedamlała pra toje, što kamandujučy Abjadnanymi ŭzbrojenymi siłami NATO ŭ Eŭropie hienerał Filip Brydłaŭ vystupaŭ za pradastaŭleńnie ŭkraincam bolšaj kolkaści spadarožnikavych zdymkaŭ i inšych źviestak ab rasiejskich vojskach, ale atrymaŭ admovu ź Biełaha domu. Paśla taho jak prarasiejskija aktyvisty — pry vidavočnaj padtrymcy rasiejskich specsłužbaŭ — zachapili ŭradavyja budynki na ŭschodzie Ŭkrainy, u administracyi Abamy, vidać, vyrašyli pierahledzieć svajo rašeńnie.

Pradstaŭniki CRU i Biełaha domu admovilisia raskryvać padrabiaznaści vizytu Brenana ŭ Kijeŭ. Adnak surazmoŭca The Daily Beast u vyviednaj supolnaści paviedamiŭ, što metaj vizytu było vykazać padtrymku palityčnamu kiraŭnictvu Ŭkrainy i prainfarmavać jaho ab novaj abmiežavanaj praktycy abmienu vyviednymi źviestkami, havorycca ŭ artykule.

Tradycyjna amerykanski bok padavaŭ źviestki hałoŭnym čynam ŭkrainskaj armii, adnak novaje kiraŭnictva ŭ Kijevie damahajecca prava pieršym atrymlivać infarmacyju ad amerykancaŭ, paviedamlajecca ŭ publikacyi. Adna z hałoŭnych prablem ukraincaŭ zaklučajecca ŭ tym, što rasiejcy, jak miarkujuć, pranikli ŭ ich zašyfravanyja kanały vajskovaj suviazi. U vyniku ŭkrainskija dyvizii, jakija ruchajucca na ŭschod krainy, trymajuć suviaź na nieabaronienych kanałach, zvodziačy na ništo element raptoŭnaści.

Paviedamlajučy pra vizyt Brenana, rasiejskija ŚMI vykazali zdahadku, što dyrektar CRU daŭ ŭkrainskamu kiraŭnictvu zialonaje śviatło na aperacyju suprać separatystaŭ. 14 krasavika ad CRU pastupiła abviaržeńnie. «Zajavy ab tym, što dyrektar Brenan zaklikaŭ ukrainskija ŭłady pravieści taktyčnyja dziejańni ŭnutry Ŭkrainy — absalutnaja niapraŭda, — cytuje The Daily Beast pradstaŭnika CRU. — Jak i inšyja aficyjnyja asoby ZŠA, dyrektar Brenan pierakanany, što dyplamatyčnaje rašeńnie — adziny sposab vyrašyć kryzis u adnosinach Rasiei i Ŭkrainy».

• 0
• 0
• 0
• 0
• 0
• 0
• 0
• 0