U Hienprakuratury ŭźniali prablemu motaavaryjnaści.
U najbližejšy čas pavinien być vyznačany maksimalna dapuščalny ŭzrovień šumu transpartnych srodkaŭ, mohuć być uniesieny dapaŭnieńni ŭ Praviły darožnaha ruchu ŭ častcy zabarony ruchu matacyklistaŭ pa darohach ahulnaha karystańnia, jaki stvaraje pahrozu biaśpiecy ruchu i parušaje hramadski paradak i spakoj hramadzian.
Siońnia ŭ Hienprakuraturu prajšła narada, na jakoj razhledžany stan pravaparadku na darohach krainy i zachavańnie jaho ŭdzielnikami darožnaha ruchu z udziełam pradstaŭnikoŭ MUS i DAI MUS, Śledčaha kamiteta, Nacyjanalnaha centra zakanadaŭstva i pravavych daśledavańniaŭ, prakuratury Minska, a taksama bajkierskaha ruchu.
Tut taksama hučali prapanovy zabiaśpiečyć bolš šyrokaje vykarystańnie kamier videanazirańnia na ažyŭlenych učastkach transpartnych mahistralaŭ, inicyjavać uzmacnieńnie administracyjnaj adkaznaści za najbolš raspaŭsiudžanyja parušeńni PDR, jakija stali pryčynaj DTZ.
Razam z tym udzielniki pryznali, što nieabchodna stvarać umovy dla zaniatkiaŭ motasportam z vyłučeńniem pradstaŭnikam motakłubaŭ placovak i trekaŭ dla praviadzieńnia navučalnych mierapryjemstvaŭ i spabornictvaŭ.
Nahadajem, hienprakuror Alaksandr Kaniuk niadaŭna zajaviŭ ab nieabchodnaści ŭzmacnieńnia žorstkaści mier u adnosinach da kiroŭcaŭ matacykłaŭ, jakija parušajuć praviły darožnaha ruchu, ahresiŭna pavodziać siabie na darohach i rovam svaich matacykłaŭ pieraškadžajuć haradžanam spać pa načach. U apošni čas vostra paŭstała prablema chulihanskich prajavaŭ na darohach z boku matacyklistaŭ, vyśviatleńnia adnosin u rezkaj formie pamiž udzielnikami darožnaha ruchu. Niehatyŭnaje ž staŭleńnie da matacyklistaŭ «uźnikła z pryčyny ekspłuatacyi mnohimi ź ich transpartnych srodkaŭ, źniešni šum jakich pieravyšaje vyznačanyja normy i parušaje spakoj i kamfortnaje pražyvańnie hramadzian».
U 1 kvartale 2014 pa paraŭnańni z anałahičnym pieryjadam 2013 hoda ŭ DTZ z udziełam matacyklistaŭ zahinuli 7 čałaviek (za anałahičny pieryjad minułaha hoda - 0).
Pavyšanaja ahresiŭnaść, chamstva na darohach patrabuje adekvatnaha reahavańnia z boku dziaržaŭnych orhanaŭ i pryniaćcia kompleksu zakanadaŭčych i prafiłaktyčnych mier, nakiravanych na spynieńnie i papiaredžańnie padobnych prajavaŭ, adznačyli ŭdzielniki narady.
— Takoha nie było nikoli. Motasiezon jašče nie pačaŭsia, a ŭžo 7 śmierciaŭ. Na naradzie pryniali rašeńnie stvaryć pracoŭnuju hrupu, udzielniki jakoj ščylna ŭzialisia za pytańni pavyšeńnia biaśpieki na darohach kiroŭcaŭ bajkaŭ i inšych transpartnych srodkaŭ, - raspavioŭ AUTO.TUT.BY viadomy biełaruski bajkier i lidar kłuba Racing Clan MCC BY Dźmitryj «Pitbul» Ściepanienka.
Były ministr kultury Rusłan Čarniecki znajšoŭ sabie padpracoŭku9
Kamientary