Na hłabalnaj płatformie change.org źjaviłasia elektronnaja pietycyja, u jakoj Alaksandra Łukašenku prosiać vyrašyć kryzis na paŭdniovym uschodzie Ukrainy.
Žychar Saratava zapisaŭ adkryty zvarot da kiraŭnika Biełarusi i pačaŭ zbor podpisaŭ pad pietycyjaj, u jakoj Łukašenku prosiać umiašacca ŭ situacyju na Paŭdniovym Uschodzie Ukrainy i abjadnać ukraincaŭ, biełarusaŭ i rasiejcaŭ.
«Ciapier na Paŭdniovym Uschodzie Ukrainy adbyvajecca trahiedyja. I Vy — toj adziny čałaviek, jaki moža hetuju trahiedyju pieramahčy, moža stvaryć tam narmalnyja ŭmovy dla čałaviečaha žyćcia! Ciapier ni palityki Ukrainy, ni palityki Rasii nie ŭ stanie vyrašyć pytańnie na Paŭdniovym Uschodzie. Tolki Vy možacie jaho vyrašyć!», — havorycca ŭ pietycyi.
Łukašenku prapanujecca stvaryć abmiežavany miratvorčy kantynhient, damovicca z ukrainskimi i rasijskimi palitykami.
«I, samaje hałoŭnaje, što narody i Ukrainy, i Rasii, i Biełarusi Vam daviarajuć. Tamu, jak kazali ŭ saviecki čas, los śvietu ŭ Vašych rukach!», — upeŭnienyja stvaralniki pietycyi.
Na momant publikacyi materyjału pad pietycyjaj sabrana 250 podpisaŭ.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary