На глабальнай платформе change.org з'явілася электронная петыцыя, у якой Аляксандра Лукашэнку просяць вырашыць крызіс на паўднёвым усходзе Украіны.
Жыхар Саратава запісаў адкрыты зварот да кіраўніка Беларусі і пачаў збор подпісаў пад петыцыяй, у якой Лукашэнку просяць умяшацца ў сітуацыю на Паўднёвым Усходзе Украіны і аб'яднаць украінцаў, беларусаў і расейцаў.
«Цяпер на Паўднёвым Усходзе Украіны адбываецца трагедыя. І Вы — той адзіны чалавек, які можа гэтую трагедыю перамагчы, можа стварыць там нармальныя ўмовы для чалавечага жыцця! Цяпер ні палітыкі Украіны, ні палітыкі Расіі не ў стане вырашыць пытанне на Паўднёвым Усходзе. Толькі Вы можаце яго вырашыць!», — гаворыцца ў петыцыі.
Лукашэнку прапануецца стварыць абмежаваны міратворчы кантынгент, дамовіцца з украінскімі і расійскімі палітыкамі.
«І, самае галоўнае, што народы і Украіны, і Расіі, і Беларусі Вам давяраюць. Таму, як казалі ў савецкі час, лёс свету ў Вашых руках!», — упэўненыя стваральнікі петыцыі.
На момант публікацыі матэрыялу пад петыцыяй сабрана 250 подпісаў.
Цяпер чытаюць
21‑гадовага курсанта Акадэміі авіяцыі асудзілі за Гаюна1
21‑гадовага курсанта Акадэміі авіяцыі асудзілі за Гаюна
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары