Novy numar «ARCHE» (№ 3 za 2014 hod) całkam pryśviečany Viciebsku i jaho tysiačahadovaj historyi. Jak pišuć u pradmovie jaho ŭkładalniki, «Viciebsk histaryčna maje pamiežny status.
Za tysiačahadovuju historyju tolki dva stahodździ kala jaho nie prabiahała miaža. Uvieś astatni čas vićbičy — na franciry, što naklikała na horad biedstvy ad zachopaŭ i akupacyj. Tema źniščeńnia, ramontu, adnaŭleńnia i zaniadbańnia zamkaŭ pastajanna padymałasia žycharami Viciebska ŭ jaho siaredniaviečnaj i rańniemadernaj historyi».
Viciebski numar «ARCHE» raskazvaje pra:
— adnosiny pamiž Viciebskam i Ryhaj u XIV—XVII stst., a taksama pra toje, jak Ryha dyktatavała kulinarnyja husty viciablan;
— stroi viciebskaha šlachcica kanca XVI — pieršaj pałovy XVII st.;
— pra šlachieckaje sajmikavańnie ŭ Viciebsku pačatku XVII st.;
— zaniapad habrejskaj mienšaści ŭ Viciebsku ŭ pieršaj pałovie XX st.;
— praciahłyja raskopki Vierchniaha zamku ŭ Viciebsku, jakija skončylisia archieałahičnaj katastrofaj;
— dejeŭrapieizacyju haradskoha łandšaftu horadu ciaham apošnich stahodździaŭ;
— biełaruskaha «nacyjanalista» Janku Haŭrysa siarod viciebskich suprematystaŭ koła Kazimira Maleviča;
— škołu viciebskich hravioraŭ 1920-ch hadoŭ;
— pieršyja hady Biełaruskaha dziaržaŭnaha teatru ŭ Viciebsku;
— savietyzacyju Viciebščyny ŭ 1920-ch hh.;
— architekturu savieckaha avanhardu ŭ Viciebsku;
— śviatkavańnie tysiačahodździa Viciebsku;
— dziejnaść i tvorčaść Alesia Puškina ŭ Viciebsku.
Narešcie 4 artykuły pryśviečany viciebskim muziejam.
Numar bahata ilustravany: u im źmieščany sotni ilustracyj, u tym liku ŭ kolery.
POŬNY ŹMIEST NUMARA DASTUPNY TUT.
Vydańnie možna zamović, dasłaŭšy elektronny list na adras [email protected]. Cana (z ulikam dastaŭki) — 69 tys. rubloŭ.
Zamaŭlajučy vydańnie, u poli «Tema» treba paznačyć « Viciebskija historyi », a ŭ liście padać svaje dakładnyja kaardynaty: paštovy adras, indeks, proźvišča i inicyjały, telefon dla kamunikacyi. Prapanova dziejničaje tolki na terytoryi Respubliki Biełaruś.
-
«Ja vam skažu — zusim nie toje!» Na 80‑hodździ va Urocłavie Niaklajeŭ paraŭnaŭ pacałunki Brežnieva i Cichanoŭskaj
-
U Vienie za 776 tysiač jeŭra nachilili pomnik meru. Jaho antysiemityzm natchniaŭ Hitlera
-
U Pružanskim kaściole novy arhan, jaki pryvieźli ź Niderłandaŭ. Papiaredni kaścielny arhan puścili na drovy dla Doma kultury
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary