Prezident Rasii Uładzimir Pucin padpisaŭ ukaz ab reabilitacyi krymska-tatarskaha i inšych narodaŭ Kryma, jakija paciarpieli ad represij. Pra heta jon paviedamiŭ 21 krasavika, adkryvajučy pasiadžeńnie Dziaržsavieta.
«Karystajučysia nahodaj, chacieŭ by prainfarmavać kaleh ab tym, što mnoju padpisany ŭkaz ab reabilitacyi krymska-tatarskaha nasielnictva Kryma, armianskaha nasielnictva, niemcaŭ, hrekaŭ — usich, chto paciarpieŭ padčas stalinskich represij», — skazaŭ Pucin.
Pavodle jaho słoŭ, u hetym ža ŭkazie prapisany miery «pa sacyjalna-ekanamičnym uładkavańni niekatorych terytoryj», jakija ŭ apošnija hady i navat dziesiacihodździ faktyčna byli kinutyja i «jurydyčna nijak nie aformlenyja».
Na minułym tydni padčas pramoj linii Pucin zajaviŭ, što «krymska-tatarski narod sapraŭdy surjozna paciarpieŭ u pieryjad stalinskich represij, byŭ departavany z Kryma — sa svajoj rodnaj terytoryi». «I my, biezumoŭna, pavinny zrabić usio, što ad nas zaležyć, kab praces ŭvachodžańnia ŭ Rasijskuju Fiederacyju byŭ źviazany z reabilitacyjaj i adnaŭleńniem zakonnych pravoŭ i intaresaŭ krymska-tatarskaha naroda», — padkreśliŭ jon.
Prezident RF nahadaŭ, što paśla dałučeńnia Kryma da Rasijskaj impieryi ŭ 1783 hodzie Kaciaryna II vydała ŭkaz, sens jakoha byŭ u nastupnym: krymskija tatary buduć usprymacca Rasijaj jak ułasnyja hramadzianie z usimi vynikajučymi adsiul nastupstvami, i budzie addadziena poŭnaja pavaha ich pravam, ich relihii. «Heta była vielmi mudraja, pravilnaja palityka, — acaniŭ Pucin. — Mienavita takoj palityki my i majem namier prytrymlivacca ŭ naš čas».
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku24
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary