Pabolej 7-ych listapadaŭ: roznych i ŭsiakich!

Kalandar śviatočnych dat — zdajecca adzinaja paśpiachovaja zbroja našaj dypłamatyi na ŭschodnim kirunku. My prykładam adznačajem padziei 7 listapada 1917‑ha, jakija mieli miesca ŭ dalokim horadzie, ź jakim Biełaruś źviazyvaje chiba tolki toje, što tam žyŭ i tvaryŭ Skaryna. Adnak na Radzimie Kastryčnika śviatkavać 7 listapada — verboten. Jak vynik — atrymlivajem šmat dyvidentaŭ padtrymki siarod prostych rasiejcaŭ.

Čamu b nie raźvić pośpiech: nie uvieści ŭ biełaruski kalandar błok dataŭ, źviazanych ź inšymi roznymi padziejami ŭ Rasiei. Heta b jašče bolš spryjała rostu papularnaści našaha režymu siarod Ivanovych i Sidaravych i adpaviedna pazityŭna ŭpłyvała na pazicyju na pieramovach pa koštu na haz.

Zapluščyŭšy vočy, ujaviŭ siabie scenku pieramovaŭ pradstaŭnikoŭ Hazpromu i biełaruskaha ŭradu paśla adpaviednych kalendarnych reformaŭ.

***

Čubajs: takim čynam, my hatovyja pačynać pieramovy tolki ŭ tym vypadu, kali Biełaruś aficyjna pierastanie śviatkavać 20 sakavika — Dzień naradžeńnia łabradora Końni — lubimaj sabaki prezidenta Pucina.

Sidorski: nu my ž nie vinnyja ŭ tym, što vy nie śviatkujecie sapraŭdnyja narodnyja słavianskija śviaty.

Čubajs: usio było b dobra, kali b Vy Dzień łabradora nie pastavili na 21‑aje, a Dzień Štyrlica — dzień, kali Pucin upieršyniu pahladzieŭ «17 mhnavienij» i vyrašyŭ stać čekistam, na 23‑aje. Narod Rasiei nie paśpiavaje razduplicca, jak vy jaho znoŭ dasyłajecie ŭ zapoj.

Sidorski: heta vašyja prablemy. U nas darečy ŭ Pałatcy razhladajecaa prajekt śviatkavać 24 sakavika jak Dzień mačyciela ŭ sarcirach, a 26‑aje — jak Śviata pucinskaha dziudaista.

Čubajs: kali łaska. Paškadujcie rasiejski narod! My nia možam stolki pić! Kolki vam treba za tysiaču kbm hazu? Sto baksaŭ?

Sidorski: moža vym jašče Niadzielu ŭsienarodnaj radaści słavian z nahody abrańnia Sočy stalicaj Alimpijady 2012 admianić?

Čubajs: 90.

Sidorski: nu‑nu. I dekadu pamiaci viecieranaŭ bajkotu estonskich kansiervaŭ u ramkach kampanii za pomnik sałdatu ŭ Talinie taksama ŭ dadatak?

Čubajs: 80

Sidorski: Ładna. Damovilisia startavaja cana pieramovaŭ — 80. U sakaviku śviatkujem tolki Dzień pieramohi Rasiei ŭ handlovaj kańjačna‑vinnaj vajnie z Małdovaj. Tolki tamu pahadžajusia sp.Čubajs, što śpiašajusia na śviatočny kancert z nahody Śviata pryjadnańnia dna Ledavitaha akijanu da Rasiei». Kali b Vy viedali, sp. Čubajs, što značyć dla nas biełarusaŭ hety dzień. Śviatoje!

• 0
• 0
• 0
• 0
• 0
• 0
• 0
• 0