20 tysiač tataraŭ u Simfieropali patrabavali nacyjanalna-terytaryjalnaj aŭtanomii
Mitynh byŭ prymierkavany da 70-hodździa departacyi.
Pa vynikach žałobnaha mitynhu 18 maja była pryniataja rezalucyja.
Krymskija tatary źviarnulisia z zaklikam za ŭsich demakratyčnych sił, uradaŭ i parłamientaŭ dziaržaŭ, mižnarodnych arhanizacyjaŭ vystupić harantami adnaŭleńnia pravoŭ krymskatatarskaha narodu i jaho svabodnaha raźvićcia na svajoj Radzimie.
Pra heta paviedamlaje pres-słužba Miedžlisu krymskatatarskaha narodu.
«My, udzielniki Usiekrymskaha žałobnaha mitynhu pamiaci achviar hienacydu krymskatatarskaha narodu — departacyi 18 maja 1944 hoda i dziesiacihodździaŭ jaho hvałtoŭnaha ŭtrymańnia ŭ miescach vyhnańnia… zajaŭlajem pra nieadjemnaje prava krymskatatarskaha naroda na samavyznačeńnie na svajoj histaryčnaj terytoryi — u Krymu — šlacham nadańnia Respublicy Krym statusa nacyjanalna-terytaryjalnaj aŭtanomii», — havorycca ŭ rezalucyi mitynhu.
U jakaści pierašačarhovych zachadaŭ pa adnaŭleńni pravoŭ krymskatatarskaha narodu aŭtary dakumienta patrabujuć adnaŭleńnia histaryčnych nazvaŭ, jakija byli źmienienyja ŭ vyniku departacyi tataraŭ i pryniaćcia zakonaŭ, jakija harantujuć efiektyŭnaje pradstaŭnictva krymskich tatar u orhanach zakanadaŭčaj i vykanaŭčaj ułady Respubliki Krym. Aproč taho, krymskija tatary vystupajuć za pryznańnie ahulnanacyjanalnaha źjezdu krymskatatarskaha narodu — Kurułtaja i orhanaŭ nacyjanalnaha samakiravańnia, jakija jon farmuje — Miedžlisu.
U rezalucyi taksama patrabujuć nieadkładnaha spynieńnia dyskryminacyi i represij u dačynieńni da krymskich tatar pa palityčnych, nacyjanalnych i relihijnych matyvach.
Kamientary