Mitrapalit Tadevuš Kandrusievič: «Mianie Łukašenka pytaŭsia, nu kali ŭžo ty vierniešsia da nas?»
Siońnia mitrapalit Tadevuš Kandrusievič daŭ pres-kanferencyju z nahody svajho aficyjnaha ŭstupleńnia na pasadu.
Na ŭračystaści buduć prysutničać śviatary ŭsich dyjacezij, usie biełaruskija biskupy. Pryjeduć aficyjnyja hości z Vatykanu, Rasiei, Litvy, Ukrainy, Rumynii. Napiaredadni hetaj padziej mitrapalit pravioŭ pres‑kanferencyju, padkreśliŭšy, što zaŭsiody mieŭ dobryja dačynieńni ź ŚMI i źbirajecca čaściej ładzić sustrečy z žurnalistami. Tadevuš Kandrusievič adznačyŭ, što viarnuŭsia ŭ Biełaruś ź vialikaj radaściu. Jon zhadaŭ toj čas, kali byŭ biskupam u Biełarusi z 1989 pa 1991 h. Za hety peryjad u krainie adkryli 97 kaściołaŭ, duchoŭnuju seminaryju ŭ Horadni, vydali Katechizis pa‑biełarusku.
Na pytańnie, ci niama idei adkryćcia na bazie mienskaha kaściołu Śviatoha Jazepa duchoŭnaj seminaryi, Tadevuš Kandrusievič adrazu skazaŭ, što nie vałodaje poŭnaj infarmacyjaj pra sytuacyju z chramam, tamu nia budzie kamentavać.
Na dumku mitrapalita, i ŭ haradzienskaj i ŭ pinskaj seminaryjach nabirajuć niedastatkovuju kolkaść słuchačoŭ: «...Niedastatkova ludziej adčuvajuć śviatarskaje i manaskaje paklikańnie. (...) Što da Miensku, to tut duchoŭnaja navučalnaja ŭstanova paprostu nieabchodnaja. Chaj heta budzie kaledž, ci tealahičny fakultet, ale rabić heta abaviazkova. Taksama treba adčynić u stalicy chryścijanskaje vydaviectva», — skazaŭ jon.
Vykazaŭsia mitrapalit Kandrusievič i nakont kankardatu aficyjnaha Miensku z Vatykanam, zaznačyŭšy, što takoje pahadnieńnie tolki ŭmacuje pazycyi Katalickaj Carkvy ŭ Biełarusi.
«Z usich postsavieckich dziaržaŭ tolki Litva maje kankardat z Vatykanam, ale takija pahadnieńni jość u Polščy, Niamieččyny i inšych eŭrapiejskich krain. Heta budzie istotny krok napierad. Nakolki ja viedaju jość jašče šmat nia ŭzhodnienych pytańniaŭ, jakija treba terminova vyrašać. Razam z tym, ja spadziajusia, što kankardat usio ž budzie zaklučany».
Pra vizyt Papy ŭ Miensk Kandrusievič skazaŭ nastupnaje: «Pryjedzie tady, kali hetaha zachoča Boh. Ciapier ža my možam tolki malicca za heta». Arcybiskup Mienska‑Mahiloŭski pierakanany, što dla Kaściołu siońnia važna mieć dobryja stasunki ź dziaržavaj i Pravasłaŭnaj Carkvoj.
«Kaścioł musić aktyŭna supracoŭničać ź dziaržavaj, ale niahledziačy na heta jon pavinien aktyŭna havaryć i abaraniać pravy viernikaŭ. My možam razam z uładami zmahacca z takimi źjavami, jak suicydy, narkamanija, ałkahalizm. Ja vielmi ŭzradavaŭsia mahčymaści sustrečy z prezydentam Biełarusi padčas niadaŭniaj kanferencyi «Chryścijanstva i isłam», jakuju arhanizoŭvaŭ mitrapalit Fiłaret. Ja ŭzhadvaŭ, jak adnojčy ŭ Maskvie mianie pradstavili Łukašenku, tady jon zapytaŭsia, kali ty viernieśsia da nas? Ja nia viedaŭ, što adkazać, a ciapier voś viarnuŭsia. Ja vielmi daŭno znajomy z uładykam Fiłaretam. Vielmi mocna pavažaju hetaha čałavieka. Mnie chočacca pracavać razam ź im i ŭsioj pravasłaŭnaj Carkvoj, bo my zmahajemsia suprać adnych i tych ža vyklikaŭ sučasnaści — sekularyzmu i maralnaha relatyvizmu. Nam treba być razam, šukać adzinuju movu. Miž nami jość pieraškody i pieraharodki, ale jany nie dasiahajuć nieba, tamu ich možna pieraadoleć. Moža mała chto z vas zaŭvažyŭ, što ja pryjšoŭ na siońniašniuju pres‑kanferencyju z kryžam, jaki mnie niadaŭna padaryŭ mitrapalit RPC Kiryła. Mnie jon vielmi padabajecca. Jednaść usich chryścijan siońnia nadzvyčaj važnaja, bo adkryta staić pytańnie, ci być chryścijanstvu ŭvohule. Usie aktyŭniej padymajuć hałavu neapahancy», — skazaŭ Tadevuš Kandrusievič.
Taksama mitrapalit paviedamiŭ, što Kaścioł źbirajecca praciahvać budavać chramy pa krainie. Jon ličyć, što najlepš budavać nievialikija kaścioły, kaplicy. Hałoŭnaje, kab na ich pabudovu chapała hrošaj. Z novaha arcybiskup paabiacaŭ bolš aktyŭna ładzić pilihrymki dla viernikaŭ u śviatyja miaściny, a taksama zrabić telemost miž Mienskam i Vatykanam.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary