U Padmaskoŭi zastreleny kryminalny aŭtarytet ź Biełarusi «Cimocha» FOTA VIDEA
U Adzincoŭskim rajonie Padmaskoŭja zabity kryminalny aŭtarytet, uradženiec Homiela, Alaksandr Cimašenka (Bor-Cimašenka) pa mianušcy Cimocha. Zabojstva adbyłosia ŭ siale Znamienskim.
Zabojca byŭ z saŭdzielnikam. Kala carkvy dvoje nieviadomych dva razy strelili ź pistaleta ŭ serca Alaksandra Cimašenki i źbiehli na matacykle.
Na miescy zdareńnia pracuje apieratyŭna-śledčaja hrupa.
ŚMI paviedamlajuć, što Cimašenka byŭ adnym z najstarejšych rasijskich «vorov v zakonie».
U 1994 hodzie, śledam za svaim siabram Viačasłavam Ivańkovym pa mianušcy Słava Japončyk, jon trapiŭ u ZŠA. U Amierycy Cimašenka ažaniŭsia z hramadziankaj ZŠA i ŭziaŭ jaje proźvišča Bor.
U kancy studzienia hetaha hoda Cimocha adroksia ad svajho zvańnia. Adbyłosia heta ŭ adździele palicyi paśla taho, jak jaho zatrymali kala adnaho z restaranaŭ u Maskvie. Tady jon jašče znachodziŭsia pad padpiskaj ab niavyjeździe i nie mieŭ prava ŭ načny čas vychodzić z domu.
U mai 2011 hoda viadomy «vor v zakonie» Dzied Chasan (ciapier niabožčyk) «karanavaŭ» adrazu pieciarych aŭtarytetaŭ, u liku jakich byŭ i biełarus Alaksandr Kušnieraŭ, jon ža Saša Kušnier, jakoha «patryjarch» pryznačyŭ «smotriaŝim» za Biełaruśsiu. Suprać Kušniera vystupali jahonyja daŭnija vorahi — «vory v zakonie « biełaruskaha pachodžańnia Cimocha i Halej.
Da karanacyi Kušniera złačynny śviet Biełarusi całkam zamykaŭsia na Cimochu i Haleja, ale paśla kanfliktu Kušnieru pryjšłosia stvarać ułasnuju «viertykal ułady». Jon adrazu ž pačaŭ rasstaŭlać svaich «smotriaŝich» u procivahu «cimochinskim» i «halejeŭskim». U apošni čas u Biełarusi na ŭzroŭni «smotriaŝich» išła vajna pamiž staŭlenikami Haleja/Cimochi i Kušniera, adznačajuć rasijskija ŚMI.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary