Buchhałteryja nie daličyłasia 280 miljonaŭ.
Zavieršana rasśledavańnie kryminalnaj spravy suprać byłoha hiendyrektara Mazyrskaha rajžyłkamhasa. Jamu inkryminujecca złoŭžyvańnie słužbovymi paŭnamoctvami, što paciahnuła škodu ŭ asabliva bujnym pamiery.
«Śledstvam ustanoŭlena, što ŭ pieryjad sa śniežnia 2011 pa śniežań 2012 abvinavačany ŭ intaresach kamiercyjnaj struktury, jakaja zajmajecca łandšaftnym dyzajnam, u parušeńnie zakanadaŭstva zaklučyŭ ź joj šerah damoŭ na praviadzieńnie ramontnych i budaŭničych rabot. Zahadzia viedajučy, što ŭmovy damovaŭ nie vykanany, nasupierak intaresam słužby apłatu za pracu pryvatnamu pradpryjemstvu pieraličyŭ u poŭnym abjomie»,
— paviedamiła pradstaŭnik upraŭleńnia Śledčaha kamiteta pa Homielskaj vobłaści Maryja Kryvanohava.
Taksama hiendyrektar nieadnarazova bieskaštoŭna vydzialaŭ techniku pradpryjemstva dla patrebaŭ hetaj pryvatnaj firmy — praz pryjacielskija adnosiny ź jaje kiraŭnikom. Ahulnaja suma škody paciahnuła na 280 miljonaŭ rubloŭ. Abvinavačany ŭsio sumu vypłaciŭ padčas śledstva. Sprava pieradadziena prakuroru dla nakiravańnia ŭ sud.
Kamientary