Hurt Tonqixod pradstaŭlaje na Tuzin.fm sinhł «Viasielle», u jakim tłumačycca jak najlepiej pavinšavać maładych i što padaryć na dzień viasiella.
«Viasielle» – druhaja zapisanaja pieśnia Tonqixod, jakaja papiaredničaje vychadu debiutnaha albomu hurtu.
Pieršy sinhł «Nasypać hory» byŭ prezentavany pry kancy minułaha hodu i atrymaŭ stanoŭčyja vodhuki ad słuchačoŭ, pieramoh u čarcie na Tuzin.fm, vakoł pieśni navat skandał adbyŭsia.
Reliz novaj kampazicyi muzyki nievypadkova pryznačyli na červień. «Napiaredadni leta, haračaj viasielnaj pary, kali mnohija pary ŭ Biełarusi biaruć šlub, my vyrašyli padaryć słuchačam adpaviednuju śviatočnuju kampazicyju. Mianie asabista nieadnojčy zaprašali na viasielli i heta zaŭsiody vialikaje pytańnie, jak ža pravilna pavinšavać maładych, kolki padaryć. Hetaja pieśnia – sproba adkazu», – kaža vakalist kamandy Uładź Lankievič.
Kampazycyja zapisvałasia razam z hukarežyseram Paŭłam Niakrasavym i samastojna, a zvodziŭ jaje Kanstancin Pyžoŭ.
Hurt Tonqichod hatovy na poŭnym surjozie syhrać na sapraŭdnym viasielli, kali paŭstanie takaja patreba. «Naš hurt vykonvaje muzyku dla bahatych i advažnych. Supravadžeńnie ŭračystych cyrymonij – heta całkam našaja dzialanka, tak što my zaŭždy hatovyja», – kaža Uładź.
Debiutny albom Tonqichod miarkuje vydać uvosień. Taksama hurt rychtuje svajo bačańnie adnaho z šedeŭraŭ ansamblu «Pieśniary» dla prajektu «Re:Pieśniary».
Ciapier čytajuć
Dron prylacieŭ u pasažyrski aŭtobus na miažy Rasii i Biełarusi10
Kamientary