Minabarony Ukrainy: za sutki na paŭdniovym uschodzie zabita bolš za 250 terarystaŭ, u tym liku hramadzian Rasii
Na sajcie prezidenta Ukrainy Piatra Parašenki źjaviłasia infarmacyja pra toje, što za sutki ŭ zonie śpiecapieracyi na paŭdniovym uschodzie krainy byli
zabityja bolš za 250 udzielnikaŭ niezakonnych uzbrojenych farmiravańniaŭ, značnaja častka jakich źjaŭlajecca rasijskimi hramadzianami.
Pra heta zajaviŭ v.a. kiraŭnika Minabarony Ukrainy Michaił Koval na apieratyŭnaj naradzie Piatra Parašenki z kiraŭnikami siłavych viedamstvaŭ krainy
Padčas sustrečy Piotr Parašenka vykazaŭ spačuvańni rodnym i blizkim 49 ukrainskich vajskoŭcaŭ i 5 pamiežnikaŭ, jakija zahinuli 14 červienia ŭ chodzie praviadzieńnia antyterarystyčnaj apieracyi.
Jon adznačyŭ, što na siońnia Uzbrojenyja Siły Ukrainy va ŭzajemadziejańni z pamiežnikami vykanali zadańnie pa pierakryćci 248 kiłamietraŭ dziaržaŭnaj miažy Ukrainy.
Parašenka źviarnuŭ uvahu staršyni Słužby biaśpieki Ukrainy na nievykanańnie kiraŭnictvam Antyterarystyčnaha centra SBU kompleksu mierapryjemstvaŭ pa zabieśpiačeńni biaśpieki samalotaŭ vajenna-transpartnaj avijacyi pry vykanańni bajavych zadač pa abiasškodžvańniu terarystyčnych hrupovak, u pryvatnaści, u aeraporcie Łuhanska, dzie adbyŭsia terarystyčny akt.
«Detalovy analiz pryčyn, jakija pryviali da katastrofy, a taksama kadravyja prapanovy ab adkaznaści kiraŭnictva Antyterarystyčnaha centra ja čakaju ad Vas, panie hołovo (SBU)», — skazaŭ Piotr Parašenka.
Kamientary