Alaksandr Łukašenka 20 červienia padpisaŭ ukaz «Ab ustanaŭleńni dypłamatyčnych adnosinaŭ pamiž Respublikaj Biełaruś i Demakratyčnaj Respublikaj Uschodni Cimor», paviedamiła pres-słužba prezidenta.
Uschodni Cimor — dziaržava ŭ Paŭdniova-Uschodniaj Azii, jakaja zajmaje ŭschodniuju pałovu vostrava Cimor, a taksama nievialiki ekskłaŭ (pravincyja Akusi-Ambiena) u zachodniaj pałovie taho ž vostrava i nievialikija astravy Atauru (na poŭnačy) i Žaku (na ŭschodzie).
Kolkaść nasielnictva — 1.066.409 (acenka na lipień 2010 hoda). Haradskoje nasielnictva — 27%. Piśmiennaść — 58% (acenka 2002 hoda).
Dziaržaŭna-palityčny ład Uschodniaha Cimora — respublika. Dziejnaja Kanstytucyja raspracavana na asnovie madeli partuhalskaj Kanstytucyi. Kiraŭnik dziaržavy — prezident, jaki vybirajecca nasielnictvam na piacihadovy termin (mahčymy druhi termin zapar). Prezident moža nakładvać vieta na zakony, raspuskać parłamient i pryznačać vybary. Dziejničaje ŭsieahulnaje vybarčaje prava (dajecca z 17 hadoŭ).
Ekanomika krainy była razburanaja padčas Hramadzianskaj vajny 1976—1999 hadoŭ. Jaje asnovu składała sielskaja haspadarka, u jakoj pieravažała arašanaje ziemlarobstva. Pałova nasielnictva nie mieła pracy. Z nabyćciom niezaležnaści na pieršy płan vyjšli nafta- i hazazdabyča na marskim šelfie, jakaja ažyćciaŭlajecca pry dapamozie aŭstralijskich kampanij. Na terytoryi krainy jość radoviščy zołata, płaciny, marmuru i marhancu.
Žychary vyroščvajuć kavu, kakosavuju palmu, rys, kukuruzu, kasavu, soju, batat, manha, banany, vanil, tytuń, bavoŭnu. U krainie naładžana vytvorčaść kopry, myła i kaśmietyčnych vyrabaŭ, a taksama łoŭla žemčuhu. Raźvity drevaapracoŭčaja, harbarnaja, tekstylnaja i charčovaja pramysłovaści. Samatužnyja promysły: placieńnie košykaŭ, raźba pa słanovaj kości i sandałavym drevie, vypracoŭka kieramičnych vyrabaŭ. U Cimorskim mory znojdziena niekalki radoviščaŭ nafty. Zapasy tolki adnaho ź ich — Baju-Undan — aceńvajucca ŭ 3 młrd. dołaraŭ. Tradycyjnaja asnova sielskaj haspadarki — kava i trapičnyja frukty.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary