Prezident Ukrainy Piotr Parašenka ŭ chodzie pieršaj rabočaj pajezdki na Danbas pradstaviŭ mirny płan pa ŭrehulavańni situacyi va ŭschodnich rehijonach krainy.
Jak paviedamili ŭ pres-słužbie kiraŭnika dziaržavy, płan składajecca z 15 krokaŭ i praduhledžvaje harantyi biaśpieki dla ŭsich udzielnikaŭ pieramovaŭ, vyzvaleńnie ad kryminalnaj adkaznaści tych, chto skłaŭ zbroju i nie ździejśniŭ ciažkich złačynstvaŭ, vyzvaleńnia zakładnikaŭ.
Akramia hetaha, płanujecca stvaryć 10-kiłamietrovuju bufiernuju zonu na rasijska-ŭkrainskaj dziaržaŭnaj miažy.
Płan praduhledžvaje vyvad niezakonnych uzbrojenych farmiravańniaŭ, stvareńnie harantavanaha kalidora dla vychadu rasijskich i ŭkrainskich najmitaŭ, razzbrajeńnie.
Taksama płanujecca stvaryć u struktury MUS padraździaleńni dla ažyćciaŭleńnia sumiesnaha patrulavańnia.
Zhodna z płanam, administracyjnyja budynki, jakija niezakonna ŭtrymlivajucca ŭ Danieckaj i Łuhanskaj abłaściach, pavinny być vyzvalenyja.
Siarod krokaŭ taksama — adnaŭleńnie dziejnaści miascovych orhanaŭ ułady, adnaŭleńnie centralnaha tele-i radyjoviaščańnia ŭ Danieckaj i Łuhanskaj abłaściach.
Płan praduhledžvaje kroki pa decentralizacyi ŭłady (šlacham abrańnia vykankamaŭ, abaronu ruskaj movy; prajekt źmianieńniaŭ u Kanstytucyi).
Kandydatury kiraŭnikoŭ abłasnych dziaržaŭnych administracyj buduć uzhadniacca z pradstaŭnikami Danbasa.
Płan praduhledžvaje praviadzieńnie daterminovych miascovych i parłamienckich vybaraŭ. Taksama havorka idzie ab prahramie stvareńnia pracoŭnych miescaŭ u rehijonie i adnaŭleńni abjektaŭ pramysłovaści i sacyjalnaj infrastruktury.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski
Kamientary