Na doślednym palihonie Instytuta hienietyki i cytałohii Nacyjanalnaj akademii navuk buduć praviedzieny pieršyja ŭ Biełarusi palavyja vyprabavańni hienietyčna madyfikavanaj bulby.
Jak paviedamlaje pres-słužba Ministerstva pryrodnych resursaŭ i achovy navakolnaha asiarodździa, u zakrytaj sistemie łabaratoryi malekularnaj hienietyki stvorany linii bulby z hienam Cry3aM na asnovie cudoŭnaha hatunku biełaruskaj sielekcyi «Skarb». Kałaradski žuk ich nie jeść.
U 2011—2013 hadach bulba prajšła pieršy etap daśledavańniaŭ — vyprabavańni ŭ łabaratoryi i ciaplicy. Vyjaŭlena, što raśliny nie taksičnyja i nie alerhiennyja.
Dalej daśledavańni adbyvajucca na śpiecyjalnym paletku. Jon raźmieščany na doślednaj stancyi Instytuta hienietyki i cytałohii ŭ Minsku, na vulicy Skaryny, 34. Paletak aharodžany, na im ustanoŭleny kamiery kruhłasutačnaha sačeńnia i hukavaja sihnalizacyja.
Paśla zaviaršeńnia viehietacyjnaha pieryjadu ŭsiu naziemnuju častku raślin, «bulboŭnik», spalać u krematoryi, a kłubni buduć vykarystoŭvać tolki dla navukovych daśledavańniaŭ.
U zaklučeńni dziaržekśpiertyzy bulby z hienam Cry3aM, praviedzienaj Instytutam lesu NANB, «nie adznačana nivodnaha pakazčyka (bijałahičnaha, ekałahičnaha, taksikałahičnaha, alerhiennaha), jaki b śviedčyŭ ab škodnym uździejańni transhiennaj bulby na fłoru, faŭnu i/abo zdaroŭje čałavieka».
Daśledavańni ŭ śfiery hienietyčnaj inžynieryi raślin u łabaratornych umovach pravodziacca ŭ Biełarusi z 2002 hoda.
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy15
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1616
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?16
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary