MZS vyklikała časovaha pavieranaha Ukrainy i ŭručyła jamu notu pratestu
«Respublika Biełaruś rašuča asudžaje hety biesčałaviečny terarystyčny akt, jakomu niama i nie moža być apraŭdańnia», — zajaŭlaje MZS.
Siońnia ŭ Ministerstva zamiežnych spraŭ byŭ vyklikany časovy pavierany ŭ spravach Ukrainy Ivan Navicki. Jamu była ŭručana nota pratestu. Pra heta paviedamiŭ pres-sakratar MZS Rusłan Varankoŭ.
Biełaruski bok, ź jahonych słoŭ, zapatrabavaŭ ad Ukrainy vyčarpalnych tłumačeńniaŭ i praviadzieńnia rasśledavańnia.
«Da viedama ŭkrainskaha boku daviedziena, što ŭ vyniku hetaha žachlivaha złačynstva zahinuła hramadzianka Biełarusi, jašče šeść hramadzian, u tym liku piaciora dziaciej, atrymali ranieńni, niekatoryja ź jakich majuć ciažki charaktar. Respublika Biełaruś rašuča asudžaje hety biesčałaviečny terarystyčny akt, jakomu niama i nie moža być apraŭdańnia.
Biełaruski bok zapatrabavaŭ ad ukrainskaha boku vyčarpalnych tłumačeńniaŭ nakont zdareńnia, praviadzieńnia nieadkładnaha i abjektyŭnaha rasśledavańnia, a taksama pradastaŭleńnia infarmacyi ab pryciahnieńni ŭsich vinavatych asob da najstražejšaj adkaznaści.
Biełaruś praciahnie ažyćciaŭlać usie nieabchodnyja miery dla abarony žyćcia i biaśpieki svaich hramadzian i pakidaje za saboj prava pryniać adpaviednyja miery ŭ dačynieńni da ŭkrainskaha boku», — skazaŭ Varankoŭ.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam8
Kamientary