Bujnyja siły ŭkrainskaja armija zasiarodžvaje i ŭ rajonie stalicy rehijona — Daniecka. «Da horada ściahvajucca vialikija siły praciŭnika. U tym liku ciažkaja artyleryja i braniatechnika», — raspavioŭ RIA «Novosti» namieśnik ministra abarony tak zvanaj Danieckaj narodnaj respubliki Fiodar Biarezin.
Pa najaŭnaj infarmacyi, kala niekatorych nasielenych punktaŭ u chod z abodvuch bakoŭ pajšli navat tanki.
«Jość papiaredniaja infarmacyja ab tankavym napadzie armii na horad Sieviersk (jon prykryvaje podstupy da Słavianska). Taksama vojska z bojem ŭziała Karłaŭku (horad na zachad ad Daniecka). Zaraz bai iduć u rajonie siała Nietajłava (25 kiłamietraŭ na paŭnočny zachad ad Daniecka). Akramia taho, ruch tankaŭ zaŭvažana ŭ rajonie Vałnavacha (horad u 45 kiłamietrach na poŭdzień ad Daniecka)», — paviedamiŭ pradstaŭnik apałčeńnia.
Bai adbylisia i ŭ niepasrednaj blizkaści ad rasiejska-ŭkrainskaj miažy. U aŭtorak ranicaj padraździaleńnia ŭkrainskaj nachvardii prystupili da aktyŭnych bajavych dziejańniaŭ u rajonie punktaŭ propusku «Danieck — Izvaryn» i «Čyrvonapartyzansk — Hukava» ŭ Łuhanskaj vobłaści. U vyniku hetyja punkty pryjšłosia na čas zakryć.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary