U Biełarusi płanujuć adnavić pojmiennyja dubrovy i asušanyja bałoty.
Pra heta paviedamiła na pres-kanfierencyi 30 lipienia ŭ Minsku načalnik upraŭleńnia bijałahičnaj i łandšaftnaj raznastajnaści Ministerstva pryrodnych resursaŭ i achovy navakolnaha asiarodździa Natalla Minčanka.
Na realizacyju dziaržaŭnaj prahramy raźvićcia sistemy asabliva achoŭnych pryrodnych terytoryj (AAPT) na 2015—2019 hady budzie vydzielena amal 120 młrd. rubloŭ. Bolš za 97 młrd. rubloŭ budzie vydzielena z respublikanskaha biudžetu, bolš čym 16 młrd. — ź miascovych biudžetaŭ, kala 6 młrd. — sa srodkaŭ mižnarodnaj techničnaj dapamohi, adznačyła jana.
Dziaržprahrama praduhledžvaje praviadzieńnie ŭ nacyjanalnym parku «Biełaviežskaja pušča» i zakaźniku «Jelnia» mierapryjemstvaŭ pa adnaŭleńni asušanych bałot. U nacyjanalnych parkach, Biarezinskim bijaśfiernym zapaviedniku, zakaźnikach «Sporaŭski» i «Zvaniec» — rasčystku chmyźniakovaj raślinnaści. U Biełaviežskaj puščy — stvareńnie lesanasiennaj bazy.
Buduć taksama pravodzicca mierapryjemstvy pa baraćbie ź invaziŭnymi vidami žyvioł, jakija vyciaśniajuć biełaruskija abaryhiennyja vidy, ustanoŭcy štučnych hniozdaŭ, adnaŭleńni pojmiennych dubroŭ.
«U pryvatnaści, prablemy z dubrovami isnujuć u nacyjanalnym parku «Prypiacki». Prahramaj praduhledžanyja dosyć surjoznyja srodki na rekanstrukcyju lasnoha hadavalnika ŭ parku dla taho, kab vyroščvać pasadačny materyjał duba z zakrytaj karaniovaj sistemaj i vysadžvać u miescy rostu», — skazała Minčanka.
Akramia novaj dziaržprahramy, z 2015 hoda ŭ Biełarusi pačnuć dziejničać nacyjanalnaja stratehija raźvićcia sistemy AAPT da 2030 hoda i schiema racyjanalnaha raźmiaščeńnia AAPT na 2015—2024 hady. U stratehičnych dakumientach adlustravany asnoŭnyja prablemy:adnaŭleńnie vysokaŭzrostavych lasoŭ, prablemy zarastańnia nizinnych bałot, razmnažeńnia invaziŭnych vidaŭ žyvioł.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1414
Kamientary