Sioleta ŭ Biełarusi było zakryta 87 małakamplektnych škoł, u jakich vučylisia ad 10 da 30-40 vučniaŭ. Ab hetym paviedamiŭ ministr adukacyi Siarhiej Maskievič na pres-kanfierencyi 14 žniŭnia.
«Jany nieefiektyŭnyja. Nieabchodna stvarać lepšyja ŭmovy dla navučańnia, i, biezumoŭna, lepšyja ŭmovy buduć u novych škołach, u jakija pojduć vučycca dzieci z zakrytych škoł», — adznačyŭ jon. Pry hetym ministr kanstatavaŭ, što ŭ bolšaści zakrytych škoł navučańnie viałosia na biełaruskaj movie.
Pavodle słoŭ Maskieviča, da pačatku navučalnaha hoda ŭ Biełarusi adkryjucca čatyry novyja škoły ŭ ahulnaj składanaści na 3 tysiačy navučalnych miescaŭ: dźvie ŭ Minsku i pa adnoj — u Hrodnie i Breście. «Heta samyja sučasnyja škoły, dzie navučańnie budzie vieścisia na biełaruskaj i ruskaj movach, u adpaviednaści z narmatyŭnaj bazaj, jakaja isnuje siońnia, u adpaviednaści z pažadańniami baćkoŭ», — padkreśliŭ jon.
Jak adznačyŭ ministr, u viedamstvie nie bačać prablemy ŭ vybary movy navučańnia školnikaŭ.
«Jość mahčymaść vučycca ci na biełaruskaj, ci na ruskaj movie, ja maju na ŭvazie vyvučeńnie na hetych movach ahulnych pradmietaŭ. Ale my siońnia stavim hałoŭnuju zadaču: kab, pačynajučy z daškolnych navučalnych ustanoŭ i pačatkovaj škoły asabliva, dzieci paśpiachova vałodali i biełaruskaj, i ruskaj movami», — skazaŭ Maskievič.
Pavodle jaho słoŭ, asabliva važna, kab dzieci «mahli vykarystoŭvać, lubili i biełaruskuju, i ruskuju movu». «My pavinny iści takim šlacham, mnie zdajecca, kab i toje, i druhoje było našym rodnym», — dadaŭ ministr.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli1
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać1919
Kamientary