«Biełaruskaja kalijnaja kampanija» (BKK) pavysiła canu na ŭhnajeńni dla krainaŭ Paŭdniova‑Uschodniaj Azii da $500 za tonu.
Novaja cana dla rynkaŭ Paŭdniova‑Uschodniaj Azii ŭstupiła ŭ siłu z 13 śniežnia biahučaha hoda. Raniej BKK abjaŭlała ab pavyšeńni cany na svaju pradukcyju dla krainaŭ Paŭdniova‑Uschodniaj Azii da $400 z 7 listapada hetaha hoda. Hieneralny dyrektar ZAT «Biełaruskaja kalijnaja kampanija» Uładzimier Nikałajenka patłumačyŭ čarhovy ŭzdym cenaŭ nastupnym čynam: «Ciapier na suśvietnym rynku deficyt na kalijnyja ŭhnajeńni składaje amal 1 młn.t, pry hetym popyt na pradukcyju pradaŭžaje niaŭchilna raści, a prapanova zastajecca prykładna na tym ža ŭzroŭni, tamu rynak naturalnym čynam reahuje na sytuacyju pavyšeńniem cany».
Siońnia BKK suśvietny lider, zajmaje 30 % suśvietnaha rynku pastavak kalijnych uhnajeńniaŭ. Maje 5 pradstaŭnictvaŭ: u Piekinie, Deli, San‑Paŭłu, Čykaha, Synhapury. Eŭrapejski rynak zabiaśpiečvajecca ź Miensku, dzie mieścicca štab‑kvatera BKK. Pradukcyja kampanii hruzicca ŭ partach Kłajpedy (Litva), Ventśpiłs (Łatvija), Mikałajeŭ (Ukraina).
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary