«Premii HR-brend Biełaruś» uručajecca kampanijam, jakija stvaryli samyja paśpiachovyja prajekty dla aktualnych i patencyjnych supracoŭnikaŭ na praciahu 2013 i 2014 hoda.
Žury vyznačyła pieramožcaŭ u čatyroch asnoŭnych naminacyjach «Respublika», «Rehijon», «Śviet» i «Stalica».
U naminacyi «Respublika» pieramoh prajekt adnaho ź lidaraŭ IT-industryi — kampanija Itransition. U kampanii pracuje bolš za 1200 IT-śpiecyjalistaŭ, siaredni ŭzrost jakich składaje 25 hadoŭ. Kampanija arhanizavała adkryty intelektualny konkurs dla maładych «ajcišnikaŭ» — Itransition Opener 2014, jaki sabraŭ bolš za 3000 udzielnikaŭ. I pryciahnuŭ metavuju aŭdytoryju patencyjnych supracoŭnikaŭ kampanii.
U naminacyi «Rehijon» pieršaj stała sietka kramaŭ «5 elemient». U svaim prajekcie «Pacia» kampanija ŭžyła sučasnyja hulniavyja technałohii pry najmańni i adaptacyi maładych supracoŭnikaŭ, što stanoŭča paŭpłyvała na rašeńnie novych biźnies-zadač.
U naminacyi «Śviet» lidziravaŭ prajekt kampanii Wargaming, što nie dziŭna. Za paŭtara hoda kampanii ŭdałosia pryciahnuć u minski ofis kampanii 1147 supracoŭnikaŭ, ź jakich bolš za 60% — unikalnyja śpiecyjalisty ŭ IT-śfiery.
Hienieralnym partnioram mierapryjemstva, mabilnym apierataram MTS, była zasnavanaja śpiecyjalnaja naminacyja, u jakoj pieramoh «Piŭzavod Alivaryja». Prajekt Carlsberg Group vystupiŭ z prajektam «Kultura pieramožcaŭ», pryśviečanym stvareńniu mocnaj karparatyŭnaj kultury.
Siarod finalistaŭ premii — «MTBank», «Pryjorbank», «Atłant-M», Streamline.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1414
Kamientary