U centry Charkava adbyŭsia mahutny vybuch la elektrapadstancyi, jakaja zabiaśpiečvaje śviatłom vajenny špital.
U centry Charkava kala elektrapadstancyi, jakaja siłkuje vajskovy špital, adbyŭsia mocny vybuch. U vyniku vybuchu paciarpiełych niama, padstancyja nie paškodžanaja, paviedamiŭ pradstaŭnik milicyi Charkava.
Prakuratura papiarednie kvalifikavała kryminalnuju vytvorčaść pa artykule ab naŭmysnym paškodžańni majomaści šlacham vybuchu.
Vybuch u centry horada na vulicy Trynklera adbyŭsia prykładna ŭ 18 hadzin.
Vybuchnaja chvala paškodziła čatyrochpaviarchovy žyły dom nasuprać — u im vybityja šyby.
U milicyi miarkujuć, što heta naŭmysny vybuch. Rasśledavańnie kantraluje prakuratura Charkaŭskaj vobłaści.
Vajskovy špital u Charkavie — adna ź miedycynskich ustanoŭ, jakaja prymaje paranienych vajskoŭcaŭ u zonie ATA.
9 listapada ŭ Charkavie adbyŭsia vybuch ŭ rok-pabie «Ściana», tady paciarpieli 11 čałaviek. Prakuratura adkryła kryminalnuju vytvorčaść pa artykule pra terakt.
Praz tydzień SBU zajaviła, što zatrymała padazravanych.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary