U centry Izmaiła ŭ niadzielu dniom prahrymieŭ vybuch u bary «La fantana». Budynak sprabujuć patušyć ratavalniki. Vidavočcy śćviardžajuć, što va ŭstanovie ŭ momant nadzvyčajnaha zdareńnia znachodziłasia šmat klijentaŭ.
«Maja dačka pracuje pobač. Stajali, kuryli, rvanuła prosta na vačach, bar byŭ poŭny, — kaža Iryna Barysava. — Ludzi vybiahali, hareli rečy, kidalisia ŭ śnieh, zryvali vopratku».
Pavodle jaje słoŭ, jašče da pryjezdu «chutkaj» vadzicieli mašyn, što prajazdžali mima, pačali zabirać ludziej i advozić u balnicu.
U vyniku vybuchu paciarpieli jak minimum vosiem čałaviek. Usie jany znachodziacca ŭ balnicy.
Pry troje ci čaćviora ź ich znachodziacca ŭ reanimacyi z surjoznymi apiokami (bolš za 50% pavierchni cieła).
Jany znachodzilisia na kuchni ŭ momant vybuchu. Jašče troje naviedvalnikaŭ — u traŭmatałohii. Zahinułych niama.
Pa papiarednich dadzienych, na kuchni ŭstanovy vybuchnuŭ bałon z bytavym hazam.
Viersija teraktu pakul nie paćviardžajecca. Padčas tušeńnia pažaru, vyratavalniki, ryzykujučy žyćciom, vynieśli jašče dva bałony z bytavym hazam, jakija znachodzilisia ŭ pamiaškańni kaviarni.
Vidavočcy śćviardžajuć, što vybuch byŭ takoj siły, što ŭ susiednim budynku praz darohu, dzie raźmieščana škoła, tresnuli šyby.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku24
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary