Biełaruś musiła b uziać udzieł u mierapryjemstvach pamiaci Aśviencima
U hetym hodzie adznačajecca 70-ja hadavina vyzvaleńnia savieckimi vojskami samaha vialikaha nacysckaha łahiera śmierci Aušvic-Birkienau (pa-polsku viadomaha jak Aśviencim). U 2005 Hienieralnaja Asambleja AAN pryniała rezalucyju ab tym, što 27 studzienia – u dzień vyzvaleńnia Aušvic-Birkienau — budzie adznačacca Mižnarodny dzień paminańnia achviaraŭ Chałakostu.
Aficyjnyja pradstaŭniki 38 krainaŭ majuć uziać udzieł u mierapryjemstvach 27 studzienia.
Uzrovień samy rozny: ambasadary (Arhiencina, Kipr, Estonija), pradstaŭniki manarchij (Bielhija, Danija, Narviehija, Niderłandy, Šviecyja), kiraŭniki krain (Aŭstryja, Hiermanija, Ukraina). Rasija pavysiła svoj uzrovień z ambasadara ŭ Polščy da namieśnika premjer-ministra Siarhieja Ivanova.
Da hetaha času Biełaruś na mierapryjemstvach u Aušvicy nie pradstaŭlaje nichto. Nieviadoma, ci takoje pradstaŭnictva budzie ŭvohule.
Arhanizatary stvaryli anłajnavuju mapu mierapryjemstvaŭ, pryśviečanych hadavinie vyzvaleńnia Aušvica, jakija pravodziacca pa ŭsim śviecie. Na siońnia ŭ hetym pieraliku paznačany 32 krainy razam z apisańniem zapłanavanych mierapryjemstvaŭ, časta ich pravodzicca bolš za adno. Biełaruś nie paznačana i ŭ hetym pieraliku. Heta nie aznačaje, što takija mierapryjemstvy ŭ Biełarusi nie zapłanavany, adnak stvaralnikam mapy pra heta ničoha nieviadoma. Adpaviednuju infarmacyju možna dasłać im naŭprost i jana budzie dadziena da ahulnaha pieraliku.
U sacyjalnych sietkach šmat abmiarkoŭvajuć abstaviny niepryjezdu Pucina na mierapryjemstvy ŭ Aušvicy. Adnak nichto bolš nie zadajecca pytańniem pra pradstaŭlenaść Biełarusi ci, dakładniej, jaje adsutnaść. Šmathadovaja samaizalacyja režymu Łukašenki advučyła ad dumki, što kiraŭnik dziaržavy pavinien prysutničać na takich mierapryjemstvach. U minułym hodzie Biełaruś hetaksama nie brała ŭdzieł u mierapryjemstvach z nahody 70-j hadaviny vysadki vojskaŭ sajuźnikaŭ u Narmandyi. Vyhladaje, što i pierad biełaruskaj dypłamatyjaj takija zadačy nie staviacca. Pry naležnaj nastojlivaści atrymać zaprašeńnie dla ambasadara ci pradstaŭnika parłamienta nie źjaŭlajecca nievyrašalnaj prablemaj.
Adsutnaść aficyjnych pradstaŭnikoŭ Biełarusi na mierapryjemstvach u Aušvicy – haniebny fakt, jaki pavinien być vypraŭleny.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary