Z pačatku 2015 hoda rytejlery zaŭvažyli pavyšanuju adčuvalnaść svaich pakupnikoŭ da cen na handlovych abjektach. Popyt na tavary nie ŭpaŭ, ale biełaruski spažyviec pačaŭ ekanomić i raźmiarkoŭvać svaje traty ŭ mahazinach bolš aściarožna.
Da takoj vysnovy pryjšli śpiecyjalisty handlovaj sietki «Hipa» pa vynikach manitorynhu spažyvieckich pavodzin svaich pakupnikoŭ.
U paviedamleńni dla presy jany, u pryvatnaści, adznačajuć, što ŭ biahučaj ekanamičnaj situacyi dla handlovych sietak na pieršy płan vychodzić zachavańnie łajalnaści spažyŭcoŭ za košt maksimalna hnutkaha cenaŭtvareńnia. Pry hetym u samoj sietcy «Hipa» vyrašyli źnizić handlovyja nadbaŭki na tysiačy tavaraŭ u siarednim na 10% u lutym—krasaviku.
Pa vynikach manitorynhu taksama vyśvietliłasia, što suma siaredniaha čeka ŭ stalicy i ŭ rehijonach adroźnivajecca amal na čverć: u Minsku siaredni ček vyšejšy prykładna na 22%. Pradstaŭniki sietki tłumačać roźnicu nie inšym składam tavaraŭ u spažyvieckim košyku, a krychu inšaj pieravahaj pa brendach. Minčanie tradycyjna nabyvajuć daražejšyja handlovyja marki. Padličana taksama, što ŭ śviaty, kali biełarusy nabyvajuć pradukty dla siamiejnaha zastolla i padarunki rodnym i blizkim, siaredni ček u hipiermarkietach vyrastaje prykładna na 20%.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary