Ab namiery vycieśnić z ekranaŭ rasijski pradukt zajaviŭ ministr kultury.
Jak zajaviŭ u intervju Polskamu ahienctvu presy ministr kultury Ukrainy Viačasłaŭ Kirylenka, zamiest rasijskich sieryjałaŭ płanujecca zakupać polskija.
Na dumku ministra, Polšča vyrablaje dastatkova sieryjałaŭ, pryvabnych dla ŭkrainskaj aŭdytoryi.
Jak śćviardžaje Kirylenka, baraćba z upłyvam rasijskim upłyvam u kultury i ŚMI pačałasia nadta pozna. Ale jon zaklikaje adździalać rasijskuju kulturu ad rasijskaha impieryjalizmu.
«My pavažajem tvorcaŭ rasijskaj kultury, rasijskaja kultura i ruskaja mova va Ukrainie prysutničajuć. (… ) Padčas revalucyi ŭ Kijevie nie było nivodnaj antyrasijskaj akcyi», — zajaviŭ ministr. Pavodle jaho słoŭ, siońnia ŭ krainie niemahčyma mieć z pravu z kulturaj, nie bieručy da ŭvahi toje, što ŭ krainie viadziecca vajna.
Siońnia va Ukrainie adklučajuć «najbolš ahresiŭnyja» rasijskija telekanały i adklikajuć viaščańnie filmaŭ, što «prasoŭvajuć rasijski impieryjalizm i militaryzm». Ale, pa słovach ministra, jašče nie vyrašanaja prablema «rasijskaj žoŭtaj presy».
***
Zabaranić rasijskija sieryjały prapanavali kamandziry dobraachvotnickich padraździaleńniaŭ u liście da prezidenta. Razhlad prapanovy inicyjavaŭ staršynia Viarchoŭnaj Rady Alaksandr Turčynaŭ.
Dziaržkino Ukrainy raniej užo admoviła ŭ prakatnych paśviedčańniach niekatorym rasijskim filmam i sieryjałam, u ich liku «Brat-2», «Hončyja», «Śledčy kamitet», «Śpiecnaz», «Biełaja hvardyja», «Paddubny», i inšyja. Taksama admoŭlena ŭ prakacie ŭsim stužkam z udziełam aktoraŭ Ivana Achłabyścina i Michaiła Parečnikava.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary