Аб намеры выцесніць з экранаў расійскі прадукт заявіў міністр культуры.
Як заявіў у інтэрв’ю Польскаму агенцтву прэсы міністр культуры Украіны Вячаслаў Кірыленка, замест расійскіх серыялаў плануецца закупаць польскія.
На думку міністра, Польшча вырабляе дастаткова серыялаў, прывабных для ўкраінскай аўдыторыі.
Як сцвярджае Кірыленка, барацьба з уплывам расійскім уплывам у культуры і СМІ пачалася надта позна. Але ён заклікае аддзяляць расійскую культуру ад расійскага імперыялізму.
«Мы паважаем творцаў расійскай культуры, расійская культура і руская мова ва Украіне прысутнічаюць. (… ) Падчас рэвалюцыі ў Кіеве не было ніводнай антырасійскай акцыі», — заявіў міністр. Паводле яго слоў, сёння ў краіне немагчыма мець з праву з культурай, не беручы да ўвагі тое, што ў краіне вядзецца вайна.
Сёння ва Украіне адключаюць «найбольш агрэсіўныя» расійскія тэлеканалы і адклікаюць вяшчанне фільмаў, што «прасоўваюць расійскі імперыялізм і мілітарызм». Але, па словах міністра, яшчэ не вырашаная праблема «расійскай жоўтай прэсы».
***
Забараніць расійскія серыялы прапанавалі камандзіры добраахвотніцкіх падраздзяленняў у лісце да прэзідэнта. Разгляд прапановы ініцыяваў старшыня Вярхоўнай Рады Аляксандр Турчынаў.
Дзяржкіно Украіны раней ужо адмовіла ў пракатных пасведчаннях некаторым расійскім фільмам і серыялам, у іх ліку «Брат-2», «Гончыя», «Следчы камітэт», «Спецназ», «Белая гвардыя», «Паддубны», і іншыя. Таксама адмоўлена ў пракаце ўсім стужкам з удзелам актораў Івана Ахлабысціна і Міхаіла Парэчнікава.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары