400 mil adzinoty.
Adna z asnoŭnych daroh ZŠA, U.S. Route 50, praciahnułasia na 3 tysiačy mil (amal 5 tysiač kiłamietraŭ) ad akijana da akijana. Zbudavanaja ŭ 1926 hodzie, šaša prachodzić jak praź niekalki vialikich haradoŭ, tak i praź sielskuju miascovaść, hory i pustyni.
Učastak šašy ŭ štacie Nievada byŭ nazvany časopisam Life «Samaj samotnaj darohaj Amieryki». Chacia Life pisaŭ toje z dolaj ironii, štat Nievada staŭ vykarystoŭvać takuju nazvu jak słohan.
U Nievadzie šaša prachodzić praz sotni zaniadbanych ci zakinutych miastečak, haradoŭ-pryvidaŭ i doŭhija kiłamietry pustelniaŭ. Bolšaść času vandroŭnik budzie bačyć tolki hory, piasok i siniaje nieba.
Mianuška šašy źjaviłasia ŭ časopisie ŭ 1986 hodzie. Praz 11 hod Life pryśviaciŭ ceły numar «pazvanočniku Amieryki», šašy U.S. Route 50, i jaje «samamu samotnamu» adrezku.
U 1991 hodzie «Samaja samotnaja daroha Amieryki» natchniła Styviena Kinha na raman «Bieznadziejnaść».
Kamientary