Kardynał Rymska-katalickaj carkvy Łatvii Janis Pujats ličyć, što łohiku prezidenta Rasii Uładzimira Pucina ciažka zrazumieć. U tym liku niezrazumieła, ci źjaŭlajecca jon viernikam abo tolki prykryvajecca nabožnaściu, vykarystoŭvajučy pravasłaŭje jak nadziejny tył i mahčymaść zhurtavać narod.
«Možna, viadoma, ličyć, što jon prykryvajecca pravasłaŭjem, a sam nie źjaŭlajecca viernikam. Choć heta była b niesumlennaja hulnia … Ź inšaha boku — kali jon sapraŭdy viernik, to jak moža skiroŭvać dva rodnasnyja (ruski i ŭkrainski) narody adzin na adnaho?», —rastłumačyŭ Pujats ŭ efiry pieradačy «900 siekundaŭ» telekanała LNT.
Na dumku Pujatsa, chryścijanstva moža stać padstavaj dla zakančeńnia bratazabojčych dziejańniaŭ i pavinna abjadnoŭvać narody.
«U Rasii — pravasłaŭje. Tut, u Łatvii, taksama šmat pravasłaŭnych. Takich ža chryścijanaŭ. I va Ukrainie toje ž samaje — šmat pravasłaŭnych, šmat katalikoŭ. Niaŭžo, z punktu hledžańnia chryścijanina, nielha admovicca ad vajny?», — raspavioŭ Pujats.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary