Mnostva biełarusaŭ na aśviačeńni vielikodnaje ježy ŭ amierykanskim Saŭt-Ryviery FOTAFAKT
Pieršy dzień Vialikadnia ŭ amierykanskim Saŭt-Ryviery (Ńju-Džersi), dzie žyvuć niekalki sotniaŭ biełaruskich siemjaŭ, prajšoŭ pry dobrym nastroi j soniečnym nadvorji.
Na aśviačeńni vielikodnaje ježy ŭviečary ŭ subotu było śviet narodu — u paraŭnańni z kolkaściu ludziej, jakija mienš-bolš rehularna naviedvajuć carkvu.
Aśviačeńnie vielikodnaje ježy adbyłosia ŭ zale hramadskaha centra.
Letaś, kali było ciaplej, takaja cyrymonija adbyłasia na traŭniku kala carkvy.
Sioleta było na aśviačeńni bolš ludziej, čymsia letaś, bo pamaleńku lik navasiołaŭ z našych krajoŭ raście, i heta daje nam nadzieju, što z časam pavialičycca i kolkaść prychadžan našaje carkvy sv. Jeŭfrasińni Połackaj.
Hladzi taksama: Biełaruskija kaladnyja trydycyi ŭ amierykanskim horadzie
* * *
Saŭt-Ryvier — horad u centralnaj častcy štata Ńju-Džersi. Biełarusy stali pierasialacca siudy ŭ kancy XIX st, zasnavali ŭ 1950-ch prychod sv. Jefrasińni Połackaj u jurysdykcyi Kanstancinopalskaha patryjarchata, zbudavali carkvu, Biełaruska-amierykanski hramadski centr.
U Saŭt-Ryviery dziejničali, i dziejničajuć zaraz, niekalki hramadskich i sacyjalnych arhanizacyj. U rysie horada znachodziacca asobnyja biełaruskija mohiłki. Biełarusy štohod śviatkujuć Kalady, Dzień Voli, Vialikdzień, pravodziać Biełaruski fiestyval.
Ciapier čytajuć
Prapahandysty pakazali mocna schudniełaha Vasila Vieramiejčyka13
Kamientary