Pra heta viadomy rasijski piśmieńnik i pierakładčyk Barys Akunin (Hryhoryj Čcharcišvili) zajaviŭ u intervju Bi-Bi-Si.
«Ja ŭ Rasiju pierastaŭ zusim jeździć. I da taho času, pakul tam nie źmieniacca atmaśfiera i klimat, ja tudy jeździć nie źbirajusia. Ja vyrašyŭ, što ź mianie chopić, i što ja chaču źjechać, ja vyrašyŭ niedzie ŭ kancy leta, u pačatku minułaj vosieni.
U mianie ŭźnikła ćviordaje adčuvańnie, što maja kraina akupavanaja voraham. Usio, što mnie ŭ žyćci było zaŭsiody varoža, usio, što mnie było nienavisna, jano ciapier pravić bal.
Šavinizm, ksienafobija, ahresiŭnaja chłuśnia, nieciarpimaść da inšadumstva — heta ŭsio zaraz apanavała ŭsiu prastoru navakoł.
Jaki ŭ hetaj situacyi jość vybar? Ci ty źjaždžaješ z hetaj prastory, ci ty, ja nie viedaju, pakidaješ svaju mirnuju prafiesiju,
biareš strelbu i idzieš u partyzany zmahacca z akupantami. Ale partyzanam možna zmahacca z akupantami, kali ich padtrymlivaje mirnaje nasielnictva. Bo partyzan, jakoha nie padtrymlivajuć navakolnyja vioski, — za kaho jon, ułasna kažučy, partyzanić?
A adčuvańni, što mirnaje nasielnictva prytrymlivajecca tych ža pohladaŭ, što i ja, u mianie absalutna nie było. Naadvarot, usie vakoł niejak strašna radavalisia, im usio było vydatna.
Ja źjeździŭ u pačatku zimy ŭ Rasiju jašče raz, pahladzieć, ci nie stała lepš. Stała horš. Stała horš.
Ja vydatna razumieju, jak hety miechanizm zładžany. Ja razumieju, čamu heta adbyvajecca. Heta davoli prostaja receptura. Biarecca zastareły impierski kompleks, jaki siadzić u masavaj śviadomaści, uklučajecca televizar na poŭnuju katušku, atrymlivajecca vynik. Ale ad taho, što ja heta razumieju, mnie viesialej nie stanovicca.
Uvohule, u mianie zaraz taki pieryjad, viedajecie, jaki byvaje, kali vyrašajuć raźjechacca i pravieryć svaje pačućci na adlehłaści.
Bi-Bi-Si: Heta značyć, prablema, jak vy sami pryznajacie, nie stolki va ŭładzie, kolki ŭ padtrymcy jaje nasielnictvam?
Hałoŭnaja prablema nie ŭ čałavieku pa imieni Uładzimir Pucin. Hałoŭnaja prablema ŭ mazhach nasielnictva.
Da taho času, pakul ludzi nie zrazumiejuć, što im durać hałavu, pakul jany nie pastalejuć, pakul jany nie pačnuć dumać samastojna … Kali ja mahu niečym u hetym paspryjać … ale ja mahu zrabić heta tolki pry dapamozie słova. Zaraz, u mianie takoje adčuvańnie, u Rasii pieryjad palityki časova skončyŭsia. Heta takoje zacišša, ale ja bajusia, što heta zacišša pierad buraj.
Kamientary