« Biełaruś — naš farpost, jaki achoŭvaje 1200 km prastory ŭ kirunku da Maskvy, — zajaviŭ člen rasiejskaha kamitetu ŭ spravach SND Uładzimier Nikicin. — Sa zhody biełaruskaha narodu na terytoryju Biełarusi mohuć być viernutyja niekatoryja vidy ŭzbrajeńniaŭ».
Rasieja budzie zmušanaja bolš ščylna supracoŭničać u vajskovaj sfery ź Biełaruśsiu ŭ vypadku raźmiaščeńnia PRA ZŠA na terytoryi Polščy. Pra heta karespandentu IA REGNUM 4 lutaha zajaviŭ člen kamitetu Dziaržaŭnaj dumy RF u spravach SND i suviaziach z suajčyńnikami Ŭładzimier Nikicin (KPRF), kamentujučy vyniki pracoŭnaj sustrečy ŭ Vašynhtonie kiraŭnikoŭ źniešniepalityčnych viedamstvaŭ Polščy j ZŠA Radasłava Sikorskaha j Kandalizy Rajs, pa vynikach jakoj było zajaŭlena, što dasiahnuty «pryncypovyja damoŭlenaści» ŭ hetym pytańni.
Nikicin adznačyŭ, što ciapier «Rasieja robić kroki, skiravanyja na toje, kab nie dazvolić ZŠA raźmiaścić PRA na terytoryi Polščy». Deputat padkreśliŭ, što ŭ hetaj sytuacyi «bahata budzie zaležać ad taho, jak budzie pavodzicca pierajemnik prezydenta RF Uładzimiera Pucina». Nikicin adznačyŭ, što ŭ vypadku, kali prezydentam RF stanie pieršy vice‑premjer uradu Dźmitryj Miadźviedzieŭ, «jon budzie bolš prysłuchoŭvacca da taho boku, čym da ruskaha narodu, jak čałaviek prazachodnich pohladaŭ».
«Ja nia baču ŭ im ćviordaha čałavieka, jaki moh by žorstka baranić intaresy Rasiei», — skazaŭ deputat.
«U vypadku raźmiaščeńnia amerykanskich PRA na terytoryi Polščy, Rasieja budzie zmušanaja bolš ščylna supracoŭničać ź Biełaruśsiu, bo razumieje, što Biełaruś — naš farpost, jaki achoŭvaje 1200 km prastory ŭ kirunku da Maskvy», — zajaviŭ člen kamitetu ŭ spravach SND.
Nikicin taksama nia vyklučyŭ mahčymaści taho, što ŭ vypadku raźmiaščeńnia PRA ZŠA ŭ Polščy «sa zhody biełaruskaha narodu na terytoryju Biełarusi mohuć być viernutyja niekatoryja vidy ŭzbrajeńniaŭ».
Kamientary