Talismanam čempijanatu śvietu pa chakiei 2016 staŭ Łajka — sabaka ŭ chakiejnaj formie, na kańkach i z kluškaj. Mierkavańnie žury nie supała z vybaram zaŭziataraŭ, jakija raniej nazvali svaimi favarytami Chłopika i Zajku-chakieista.
Adnak prafiesijnaje žury addało pieravahu bolš kansiervatyŭnamu vobrazu.
Konkurs, u jakim pryniało ŭdzieł zvyš 500 rabot, pravodziŭsia ŭ niekalki etapaŭ: spačatku zaŭziataram i ŭsim žadajučym było prapanavana vyznačycca z favarytam z dapamohaj internet-hałasavańnia.
Ekśpiertnaja kamisija, jakaja składajecca z pradstaŭnikoŭ Mižnarodnaj fiederacyi chakieja i Fiederacyi chakieja Rasii, zatym adabrała čatyroch finalistaŭ.
Pieramožca konkursu na lepšy talisman čempijanatu śvietu pa chakiei 2016 hoda, jaki projdzie ŭ Maskvie i Sankt-Pieciarburhu, byŭ abvieščany ŭviečary 28 krasavika ŭ efiry prahramy «Viačerni Urhant».
Internet-karystalniki ŭ siaredzinie sakavika vybrali 20 najbolš upadabanych varyjantaŭ. 750 031 hołas byŭ addadzieny Chłopiku — tvoru teatralnaha mastaka Volhi Michajłavaj z Sankt-Pieciarburha.
«Chłopik — heta niešta siaredniaje pamiž kałabkom i śniažkom, modnaja tendencyja — kruhlavyja formy», — kazała pra Chłopika jaho aŭtarka.
Za Zajku-chakieista, jakomu ŭ internecie dadali aznačeńnie «kryvy», prahałasavała 726 765 čałaviek. Kryvoha Zajku namalavaŭ vučań pieršaha kłasa Cimafiej Hulanok z Čarapaŭca. «Zajka-Chakieist vielmi choča hulać», — napisaŭ školnik.
Niahledziačy na toje, što i Chłopik i Zajka pieramahli ŭ internet-hałasavańni, ekśpiertnaje žury nie dapuściła ich da druhoj častki konkursu, nie patłumačyŭšy pryčyn.
Konkursnaja kamisija Fiederacyi chakieja Rasii adabrała čatyroch finalistaŭ, jakimi stali Kot Matros, Samavar Dymok, Ruski vołat i łajka Bajkał. Łajka pry hetym zaniała apošniaje, 20-je miesca ŭ internet-hałasavańni, za jaje prahałasavała 254 337 čałaviek.
«Łajka žyvie ŭ Sibiry. Ź dziacinstva vielmi lubić katacca na kańkach. Łajka — pieršakłasny chakieist. Jon vielmi chutki i śmieły», — kaža pra svaju pracu ekanamist z Samary Natalla Pietuchova.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB45
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary