7 lutaha Andrej Chadanovič zaprašaje na paetyčna‑muzyčnuju akcyju «MEDYJUM» ŭ Akademiju Mastactva a 19:30. U prahramie — prezentacyja knihi vieršaŭ «Berlibry» i aŭdyjoknihi «Abmieńnik».
U seryi «Dyskarnia «Naša Niva» vyjšaŭ pieršy dysk meladeklamacyj pad nazvaj «Abmieńnik». Dakładniej, sama dyskarnia raspačałasia mienavita hetym dyskam. Vieršy eŭrapiejskich paetaŭ va ŭłasnym pierakładzie na biełaruskuju čytaje Andrej Chadanovič. Hučać u «Abmieńniku» vieršy i samoha pierakładčyka. Darečy, mienavita pieršy ŭ nizcy kampazycyj vierš Andreja Chadanoviča i daŭ nazvu dysku, padkreśliŭšy tym samym internacyjanalny skład paetaŭ . Kancepcyi «Abmieńnika» jak srodku biełaruska‑eŭrapiejskaha kulturnaha symbijozu padparadkavana j aryhinalnaje afarmleńnie.
Darečy, ideja prajektu, jak i jaho ŭvasableńnie ŭ žyćcio naležyć paetu Dźmitryju Dźmitryjevu. Jon ža i režyser. Pa słovach zasnavalnika prajektu, meladeklamacyja — heta nia prosta vieršy, vykananyja pad muzyku. Heta asablivy žanar mastacva, dzie muzyka nia tolki supravadžaje, ale i padtrymlivaje ideju vieršu, dzie muzyka źjaŭlajecca raŭnapraŭnym udzielnikam minispektaklu. Razam z aŭtaram vy trapicie na sapraŭdny błyšyny rynak, unačy prakradzieciesia ŭ harem ci buduar časoŭ renesansu, albo pad razmovu hastarbajteraŭ u ciahniku ŭzhadajecie pra letašni adpačynak ŭ Pensylvanii, dzie, mahčyma, vy nikoli j nie byli.
Ciaham 45 chvilin u prahramie hučać vieršy Andreja Chadanoviča, Kanstanty Ildefans Hałčynskaha, Alvidasa Šlapikasa, Džona Dona, Juryja Andruchoviča, Marysa Karema.
«Abmieńnikam» raspačynajecca seryja dyskaŭ z meladyklamacyjami biełaruskich paetaŭ. Užo nieŭzabavie vyjdzie ŭ śviet druhi dysk meladeklamacyj «Phantom Of The Literature» z tvorami Džeci (Viery Burłak) u aŭtarskim vykanańni. U najbližejšych planach — jašče dźvie prahramy ź vieršami Viktara Žybula i Valžyny Mort.
Ciapier čytajuć
Były ministr kultury Rusłan Čarniecki znajšoŭ sabie padpracoŭku9
Kamientary