Kieramiku Pikasa i skulptury Dali pryvieźli ŭ Minsk da kanca červienia FOTA
Vystava skulptury, kieramiki i hrafiki dvuch vialikich ispanskich mastakoŭ — Salvadora Dali i Pabła Pikasa — budzie adkryta dla naviedvańnia ŭ Nacyjanalnym histaryčnym muziei Biełarusi da 28 červienia.
Pra heta paviedamiŭ siońnia žurnalistam rasijski biźniesmien, kalekcyjanier, miecenat Alaksandr Šadryn, ułasnaściu jakoha i źjaŭlajecca pradstaŭlenaja ekspazicyja.
Upieršyniu ŭ Minsku vystaŭlenyja 30 tvoraŭ kieramiki Pikasa. Vobrazy ludziej i žyvioł, minataŭr, byki, sceny karydy znajšli svajo miesca na bludach i harłačach aŭtara.
Salvador Dali pradstaŭleny kieramikaj, hrafikaj i znakamitymi skulpturami, siarod jakich telefon-łobstar, siurrealistyčnyja kvietki i inšyja fantastyčnyja pracy.
Kalekcyja farmiravałasia na praciahu apošnich 15 hadoŭ, mnohija z pradmietaŭ byli nabytyja ŭ Paryžskim muziei Salvadora Dali, u kalekcyjanieraŭ, u halerejach i aŭkcyjonnych damach Jeŭropy.
U załach muzieja ŭ režymie non-stop na dvuch ekranach buduć demanstravacca filmy-ekskursii, u jakich kalekcyjanier raspaviadaje ab svaim zbory mastactva.
Pieramovy ź Minskam nakont ekspanavańnia vystavy vialisia na praciahu čatyroch hadoŭ. Da hetaha vystavy viadomych ispanskich mastakoŭ byli pradstaŭlenyja ŭ Maskvie, a paśla Nacyjanalnaha histaryčnaha muzieja Biełarusi pierajeduć u Ryhu.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB22
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary