Prezident Ukrainy Piotr Parašenka padpisaŭ čatyry zakony ab asudžeńni kamunistyčnaha i nacysckaha režymaŭ, u pryvatnaści, dakumienty zabaraniajuć prapahandu savieckaj simvoliki.
«Dakumientami zabaraniajecca savieckaja simvolika, asudžajecca kamunistyčny režym, adkryvajucca archivy savieckich śpiecsłužbaŭ i pryznajucca baraćbitami za niezaležnaść Ukrainy UPA i inšyja arhanizacyi», — havorycca ŭ paviedamleńni, apublikavanym na sajcie prezidenta Ukrainy.
Viarchoŭnaja rada pryniała zakon «Ab asudžeńni kamunistyčnaha i nacyjanał-sacyjalistyčnaha (nacysckaha) tatalitarnych režymaŭ va Ukrainie i zabaronie prapahandy ich simvoliki» 9 krasavika.
U čaćvier Kijeŭski haradski saviet pryniaŭ rašeńnie da Dnia niezaležnaści Ukrainy, jaki śviatkujecca 24 žniŭnia, prybrać savieckuju simvoliku z budynkaŭ, stancyj mietro i inšych architekturnych abjektaŭ, jakija znachodziacca ŭ kamunalnaj ułasnaści.
Jak udakładnili ŭ harsaviecie, da kamunistyčnaj simvoliki, jakaja padlahaje demantažu, adnosiacca lubyja vyjavy hałoŭnaj dziaržaŭnaj emblemy byłoha Savieckaha Sajuza — sierp i mołat, a taksama lubyja vyjavy Uładzimira Lenina.
Da 31 sakavika 2016 hoda, jak płanujecca, zamiest demantavanaj kamunistyčnaj simvoliki ŭ Kijevie buduć ustanoŭlenyja dziaržaŭnyja simvały Ukrainy.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia26
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski99
Kamientary