Arhanizatary vystavy «Dysident» ŭ dvary byłoha budynka KDB u Ryzie, dzie jany źmiaścili instalacyju z raśpiataj na kryžy fihuraj, atrymali pahrozy i vyrašyli jaje zakryć.
«Pa finansavych pryčynach my nie možam zabiaśpiečyć biaśpieku naviedvalnikaŭ na vystavie i pryniać nieabchodnyja miery suprać vykazanych ŭčora vusnych pahroz, tamu siońnia vystava-akcyja budzie začyniena», — zajavili arhanizatary ahienctvu LETA.
Mastak Some1 rastłumačyŭ, što ideja instalacyi «Dysident» zaklučałasia ŭ hłaryfikacyi materyjalnaha śvietu ŭ žyćci indyvida. «Hrošy ŭ dadzienym vypadku simvalična vyjaŭlenyja ŭ vyhladzie kryža, a raśpiataja na im fihura — heta biznesoviec», — rastłumačyŭ aŭtar instalacyi.
«Kancepcyja vystavy nie źjaŭlajecca ni palityčnaj, ni radykalnaj, a, naadvarot, heta duchoŭna-mastackaje pasłańnie, jakoje dapuskaje biaskoncyja mahčymaści interpretacyi», — padkreśliŭ mastak.
Jon asabista prynios prabačeńni ŭsim, chto niapravilna ŭspryniaŭ vyjaŭlenaje ŭ instalacyi pasłańnie i ŭbačyŭ u raśpiataj na kryžy fihury rysy Pucina abo inšaha čałavieka. Jak patłumačyŭ Some1, «heta byŭ nie Pucin, a biznesoviec ź Italii».
Učora pasolstva Rasii ŭ Łatvii nakiravała Ministerstvu zamiežnych spraŭ notu ŭ suviazi ź instalacyjaj, jakaja nahadvaje ŭkryžavanaha prezidenta Pucina.
Pasolstva ŭ svajoj zajavie piša, što pierformans vyklikaje ŭ minakoŭ abureńnie i ahidu, i takoha rodu pravakacyjnaje «mastactva» niedapuščalna ŭ krainie, jakaja staršynstvuje ŭ Radzie ES.
-
Deputata Jeŭraparłamienta, jaki rasśledavaŭ złoŭžyvańni Pegasus, samoha ŭzłamali hetaj špijonskaj prahramaj
-
Rasijanku, jakaja zrabiła ŭ bary «kaljan na kuličy», usio ž nie buduć adpraŭlać u kałoniju
-
Vatykan adłučyŭ ad carkvy Bractva śviatoha Pija X. Raskolniki majuć kaplicu ŭ Minsku, dzie ŭsio pa-rusku — što ciapier čakaje hetych viernikaŭ
Kamientary