U Biarozaŭskim rajonie ŭčadzieli dvoje najomnych rabočych
U vioscy Pieski Biarozaŭskaha rajona pad ranicu 6 červienia na pažary zahinuli dvoje rabočych.
Jak paviedamiŭ pres-sakratar Bresckaha abłasnoha ŭpraŭleńnia MNS Siarhiej Mašnoŭ, hareła błočnaja haspadarčaja pabudova na terytoryi prysiadzibnaha ŭčastka, dzie budujecca pryvatny žyły dom.
Da momantu prybyćcia pieršych pažarnych padraździaleńniaŭ pabudova była poŭnaściu achoplena ahniom. 52-hadovy haspadar domaŭładańnia, jaki spaŭ u zašklonaj altancy, što za dva mietry ad haspadarčaj pabudovy, ubačyŭšy pažar, vynies adtul 33-hadovaha i 51-hadovaha mužčyn biez prykmietaŭ žyćcia.
Da pryjezdu bryhady chutkaj miedycynskaj dapamohi rabotniki MNS pravodzili reanimacyjnyja mierapryjemstvy, adnak vyratavać mužčyn nie ŭdałosia.
Zahinułyja — žychary Biarozaŭskaha rajona, byli najomnymi rabočymi pa budaŭnictvie žyłoha doma i pražyvali ŭ hetaj haspadarčaj pabudovie.
Sa słoŭ haspadara, napiaredadni pažaru zahinułyja raśpivali śpirtnyja napoi, kuryli. Pažar patušyli za 25 chvilin. Ahniom źniščany dach, paškodžana pierakryćcie i majomaść u pabudovie.
Pryčyna pažaru ŭstanaŭlivajecca. Razhladajecca viersija — nieaściarožnaść pry kureńni z boku zahinułych.
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary