Ukrainski startapier Arciom Hieraščankaŭ, jaki žyvie ŭ Łos-Andželesie, raspavioŭ u svaim błohu pra toje, jak jamu ŭdałosia padmanuć nihieryjskaha spamiera, jaki prasiŭ u jaho hrošaj. Machlar vydavaŭ siabie za dziaŭčynu ź imiem Andželina Krejn (Angelina Crane), nibyta amierykanku, jakaja apynułasia ŭ Nihieryi.
«Andželina» padčas pierapiski na łamanaj anhlijskaj paprasiła ŭ Hieraščankava vysyłać joj pa 50-60 dalaraŭ u tydzień. Adnak ukrainiec ašałamiŭ «dziaŭčynu», paviedamiŭšy, što jon hatovy adpraŭlać joj pa 500-600 dalaraŭ kožny tydzień. Paśla hetaha «Andželina» dasłała rekvizity dla pieravodu, u jakich značyłasia imia Ałukade Kiechinde Marcins (Olukade Kehinde Martins) i, praź niekatory čas, fatahrafiju dakumientaŭ hetaha Ałukade.
Ale zamiest hrošaj Hieraščanka «vyrašyŭ» adpravić dziaŭčynie ajfon: jon raspavioŭ ašukancu, što źjaŭlajecca dyleram Apple i jamu jakraz treba adpravić u nihieryjski horad Łahos 200 ajfonaŭ.
Ukrainiec patłumačyŭ «surazmoŭnicy», što miascovy sałon sotavaj suviazi ŭžo apłaciŭ 199 smartfonaŭ, tamu jana zmoža ŭziać adzin, a astatniuju partyju treba budzie pieradać u kramu.
Z-za taho, što adzin telefon u partyi fihuruje «nieapłačanym», a prachodzić mytniu niejak treba, Hieraščankaŭ prapanavaŭ takuju schiemu: «Andželina» pierasyłaje jamu košt adnaho ajfona, a sama pry atrymańni pasyłki zmoža ŭziać sabie dva. Pry hetym ukrainiec nahniataŭ situacyju, raspaviadajučy pra ciažkaści na mytni z-za hetaha «nieapłačanaha» smartfona, jakija pieraškadžajuć adpravić ŭsie 200 u Nihieryju.
U rešcie rešt startapier zmoh pierakanać spamiera, i toj vysłaŭ svajoj «achviary» 600 dalaraŭ. Paśla hetaha Hieraščankaŭ adpraviŭ «Andželinie» fatahrafiju vypadkovaha nihieryjca, vydaŭšy jaje za svaju — ukrainiec zrabiŭ vyhlad, što jon i sam pachodzić z Łahosa.
U razmovie z «Mieduza» Hieraščankaŭ adznačyŭ, što jon u vyniku viarnuŭ hrošy nihieryjcu — «karma važniejšaja».
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary